ශ්‍රී ලංකා විරෝධි කොටි ඩයස්පෝරාවට නායකත්වය දෙන ලන්ඩනයේ එම්මානුවෙල් පූජකයාගේ න්‍යායපත්‍රය මත කටයුතු කරන මෙරට කිතුණු පූජකයන්ගේ භූමිකාව දැන් හෙළිදරව් වී තිබේ. ද්‍රවිඩ ඊළමේ න්‍යායපත්‍රය ක්‍රියාවට නැංවීමේ මෙරට ප්‍රධානීන් දෙදෙනා ලෙස කටයුතු කරන්නේ කතෝලික සභාවේ මන්නාරම හා යාපන රදගුරු ධුරය දරන රායප්පු ජෝෂප් හා තෝමස් සවුන්ද්‍රනායගම් පූජකයින් දෙදෙනාය. පසුගිය පොදුරාජ්‍ය මණ්ඩල සමුළුවට සමගාමීව රට අපකීර්තියට පත් කිරීමේ අරමුණින් කතෝලික පූජකයින් විසින් යුධ හමුදාවට එරෙහිව සාපරාධී චෝදනා ගොනු කරමින් වතිකානුවට හා බිෂොප්වරුන්ට ලිපි යවා ඇති බවත් ඊට මූලික වී ඇත්තේ යාපන රදගුරු නිවසේ සිටින මණ්ඩලරාජා නැමති පූජකයා බව රාජ්‍ය බුද්ධි අංශ හෙළිදරව් කර තිබේ. පුනරීන් හී සිදු වූ ස්ත්‍රී දූෂනයක සැක කරුවෙකු අත්අඩංගුවට ගෙන නඩු පවරා තිබියදීම් එම අපරාධය හමුදාව මත පටවා එම ලිපියෙන් චෝදනා කරමින් ශ්‍රී ලංකාවට එරෙහිව ජාත්‍යන්තර පරීක්ෂණයක් කරන්නැයි ඉල්ලා ඇති බව පැවසේ. මන්නාරම රදගුරුවරයා ඇතුළු කතෝලික පූජකයන් 31 දෙනෙකු පසුගිය වසරේ එක්සත් ජාතීන්ගේ මානවහිමිකම් සංවිධානය හා ජාත්‍යන්තර සංවිධානවලට ශ්‍රී ලංකා විරෝධී ලිපි යවා තිබුනේද මොහුගේ මූලිකත්වයෙනි.
මන්නාරම රදගුරු රායප්පු ජෝශප් යටතේ ක්‍රියාත්මක යාපනය දිස්ත්‍රික් තරුණ කතෝලික කමිටුවේ ක්‍රියාකාරකම් පශ්චාත් යුධ සමය තුළ රටේ සාමය ගොඩනැගීම හා ප්‍රතිසංවිධාන ක්‍රියාවලිය කෙරෙහි සෘණාත්මකව බලපා ඇතැයි ද ආරක්ෂක අංශ පෙන්වා දෙයි.
මේ අතර පුනුරුත්ථාපනය වූ කොටි සාමාජිකයන් එක්රැස්කර රජයට විරුද්ධ ප්‍රකාශ ලබාගත් ත්‍රිකුණාමලයේ යෝගේෂ්වරන් නම් වූ පූජකයකු ගැනද තොරතුරු වාර්ථා වේ. මොහු මෙම කටයුතු මෙහෙයවා තිබෙන්නේ ත්‍රිකුණාමලය ඇතුල්පාරේ පිහිටි ජේසු ඉට්ස් නැමති රාජ්‍ය නොවන සංවිධානයක සිටය. ලංකාවට පැමිණි නවනීතන් පිල්ලේ ද ආරක්ෂක අංශවලට ද බාධා පමුණුවමින් හොර රහසේ සාකච්ඡා පැවැත්වූයේ මේ පූජකයා සමගය. ඇමෙරිකානු රාජ්‍ය නොවන සංවිධානයක ආධාර උපකාර මත මොහු පුනුරුත්ථාපනය වූ කොටි සාමාජිකයන් යළිත් සංවිධානගත කිරීමේ නිරත වී ඇත.
රජය මගින් පුනුරුත්තාපනය කෙරුණු කොටි ත්‍රස්තයින් සමාජගත කිරීමට කටයුතු කළත් ඔවුන් අතර තවමත් කොටි මතවාද වලට අනුව ආකල්ප වෙනස් කළ හැකි පුද්ගලයන් ඕනෑ තරම් සටී. ඔවුන්ට නායකත්වය ලැබුණොත් යළි ඊළාම් අරගලවල වුව ප්‍රවිෂ්ඨ විය හැකිය. මෙම පූජකයන් යළි උත්සහා කරන්නේ එවන් අරමුණක් සදහා පුද්ගලයන් එක්රැස් කිරීමට බව පැහැදිළිය.
කොටි සන්නද්ධ ත්‍රස්තවාදය අවසන් වූවාට අළුයට ගිනි මෙන් ඊළාම් මතවාද හැමතැනම වපුරන්නට ද්‍රවිඩ සන්ධානයත්, ජාත්‍යන්තර බලවේගත්, එන් ජී ඕ ඩොලර් පිශාචයිනුත් දැඩි උත්සාහයක නිරත වී ඇති පසුබිමක කතෝලික පූජකවරුන්ගේ මැදිහත්වීම මත උතුරු හා නැගෙනහිර ප්‍රදේශ තුළ සිදුවන ක්‍රියාකාරකම් හා උසිගැන්වීම් මත රටේ ස්වෛරීභාවයට බරපතල තර්ජනයක් එල්ල වී තිබේන පසුබිමක රායප්පු ජෝශප් ප්‍රමුඛ පූජක කල්ලිය ඊළාම් යුධ ඉතිහාසය පුරාම කොටි බෙදුම්වාදය පෝෂණය කිරීම වෙනුවෙන් එළිපිට කටයුතු කරමින් රට ජාත්‍යන්තරය ඉදිරියේ අපකීර්තියට පත් කරත් දී ලංකා කතෝලික සභාව අනුගමනය කරන්නේ මුඛපූට්ටු ප්‍රතිපත්තියකි.
ශ්‍රී ලංකාවට එරෙහිව යුධ අපරාධ චෝදනා එල්ල කිරීම අසාධාරණ බව පසුගිය රාජ්‍යනායක සමුළුව අවස්ථාවේ කොළඹ අගරදගුරු මැල්කම් රංජිත් පියතුමා මාධ්‍ය ප්‍රකාශයක් නිකුත් කර තිබිණි. බට කැලේට ගිනි තබා ගින්න නිවීමට මූත්‍රා කිරීමකට වඩා වැඩි දෙයක් එම ප්‍රකාශයේ නැති බව සදහන් කළ යුතුය. ලංකා කතෝලික සභාව යනු වඩාත් සංවිධිත සාමූහික ආයතනය බව පල්ලියේ මාධ්‍ය ඔස්තාර්ලා නිතර දෙවේලේ වදාරති. සිංහල බෞද්ධ පැවිදි නායකත්වයට පහර දීම සදහාද මෙම පම්පොරිය යොදාගන්නා බව අපි පසුගිය සමයේ දුටුවෙමු. එය එසේනම් කතෝලික සභාවේ ප්‍රධාන තනතුරු වන ආච් බිෂොප් තනතුර දරන රායප්පු ජෝෂප් ඇතුළු පූජකයන් හෙළුවැල්ලෙන් ත්‍රස්තවාදයට කඩේ යමින් රට විකුණත්දී ඊට එරෙහිව කටයුතු නොකර දෙපිටකාට්ටු පිළිවෙතක් අනුගමනය කරන්නේ මන්දැයි කතෝලික සභාවේ මහ පුටුවෙන් අපි ප්‍රශ්න කළ යුත වේ.
කොටි ත්‍රස්තවාදය ඉදිරියේ පල්ලියේ නග්නත්වයත් දේපිටකාට්ටු පිළිවෙතත් සමග ඊළමේ යටි අරමුණ කුමක්දැයි පශ්චාත් යුධ සමයේ හින්දු කෝවිල් පරයමින් උතුරුකරය පුරා අස්සක් මුල්ලක් නෑර ඉදිවුනු කිතුණු සුරුවම් දැකීමෙන් වටහා ගත හැකිවේ. කතෝලික ක්‍රිස්තියානි පූජකවරුන් කොටි බෙදුම්වාදය වෙනුවෙන් සෘජුවම පෙනී සිටින්නේ ඇයි? ශ්‍රී ලංකාව බටහිර හා පෙරදිග ලෝකය යාකරන වැදගත් සන්ධිස්ථානයක් මෙන්ම යුධ හා ආර්ථික මර්මස්ථානයකි. බටහිර ක්‍රිස්තියානි අධිරාජ්‍යවාදී බලවේගයේ මුඛ්‍ය අරමුණ වන්නේ සිංහල දේශය බෙදා වෙන්කර උතුරුකරයේ බටහිර ගැති වෙනම ක්‍රිස්තියානි රාජ්‍යයක් ගොඩ නගා ගනිමින් දකුණු ආසියා කරයෙත් පෙරදිගත් උපක්‍රමික බලය සියතට ගැනීමය. (ඊට අමතරව ථෙරවාදී බුදු සමයේ මධ්‍යස්ථානය වූ සිංහල දේශයේ සංස්කෘතික පදනම විනාශ කර මෙරට දේවරාජ්‍යයක් කරවීමේ කූට සැලසුම ද මේ පිටුපස ක්‍රියාත්මක වන බව අපි සිහිතබා ගත යුතුය) සුද්දන් මේ සදහා සැලසුම් සකස් කළේ අදක ඊයෙක නොවේ. ක්‍රිස්තියානි පූජකයන්ගේ මූලිකත්වයෙන් ව්‍යාජ ඉතිහාස කතා හරහා ගොඩ නගන ලද දමිළ නිජබිම මිත්‍යාවත් ඊළාම් සංකල්පයත් බිහි කළේත් ඒ වෙනුවෙනි. සුද්දන් විසින් රෝපණය කෙරූ ඊළාම් විෂබීජය ක්‍රිස්තියානිය වැලදගත් යාපනේ ද්‍රවිඩ වෙල්ලාල ප්‍රභූ පැලැන්තිය හා කිතුණු පූජකයන් හරහා දේශපාලනිකවත් හීන කුළයේ පීඩිත තරුණ දමිළයන් අතරින් සන්නද්ධ අරගලයක් ලෙසත් ශ්‍රී ලාංකිය සමාජය පිට මුදා හරින ලදි. කොටින් අතින් ඝාතනය වූවේ බෞද්ධ භික්ෂූන් වහන්සේලා හා හින්දූ කුරුක්කල් තුමන්ලා මිස ක්‍රිස්තියානි පූජකයන් නොවූ බව අපි හොදන් මතක තබා ගත යුතුය. එබැවින් කොටි සන්නද්ධ අරගලය දමිළ ක්‍රිස්තියානීන්ගේ මිස ද්‍රවිඩ හින්දූන්ගේ එක්ක නොවන බව අප තේරුම් ගත යුතුය. කොටි සංවිධානය යනු කතෝලික පල්ලියේ සන්නද්ධ අංශය බව ප්‍රකට ඉන්දීය යුධ විශ්ලේෂකයෙකු ප්‍රකාශ කළේ නිකම්ම නොවේ... ඊළම් සිහිනය වැනසූ ආරක්ෂක හමුදාව හා සේනාධිනායකයින් ජාත්‍යන්තරයේ මානවහිමිකම් තොන්ඩුවේ හිරකිරීමට බටහිර ක්‍රිස්තියානි බලවේගය දත කන්නේ තමන්ගේ බොද වුණු ක්‍රිස්තියානි ඊළාම් රාජ්‍යයේ වාඩුව ගැනීමට බවද අපි වටහාගත යුතු වෙමු.
කිතුණු පූජකයන් විසින් රට තුළ ව්‍යාකූල තත්වයක් ගොඩ නගත් දී ආරක්ෂක ලේකම් තුමා පාප් තුමාගේ ලංකා චාරිකාවට ආරාධනා කිරීමට වතිකානුවේ සංචාරයක යෙදීම ද කතා බහට ලක් වී තිබේ. පාප් තුමන් ලංකාවට පැමිණෙන්නේ ලංකාවේ ක්‍රිස්තියානිකරණ ව්‍යාපෘතිය දිරිගැන්වීම සදහාත් එහි ප්‍රගතිය සොයා බැලීමටත් මිස අපට ඇති මහා කරුණාව නිසා නොවේ. එය කෙසේ වෙතත් ලංකාව රටක් වශයෙන් ජාත්‍යන්තරය හමුවේ අසීරු තත්වයකට මුහුණ දී ඇති පසුබිමක් තුල පාප් වරයාගේ ලංකාගමනය උපක්‍රමිකව ශ්‍රී ලංකාවට වාසිදායක ලෙස යොදා ගැනීමට රජය කටයුතු කරන බව පැහැදිලි වේ. (වතිකානුව යනු ලෝකය පාලනය කරන බලගතුම සංවිධානය යි) ඩෙස්මන් ටූටූ, ඇතුළු බටහිර පාදිලි නඩයත්,රායප්පු ප්‍රමුඛ ලංකාවේ කොටි බැලයනුත් බොරු කේලාම් කියමින් රටේ කීර්ති නාමය වනසා ඇති තත්වයක් තුළ රටේ නියම තත්තවය වතිකානුව හරහා ජාත්‍යන්තරයට ඒත්තු ගැන්වීමට බලධාරීන් උත්සහා කරනවා විය හැකිය.
the sword/2013.11.24
No comments:
Post a Comment