Breaking News

Friday, October 10, 2014

චීවරයේ ගෞරවය කෙළෙසන භික්ෂූන් වහන්සේගේ පිට කොදු කඩන සර්වාගමික හූනියම

                            


"මාලිගාවේ සඳලු තලයෙන් මහ මග බලාගෙන සිටින අශෝක අධිරාජයාණෝ වේදනාවෙන් වෙලී ගිය සිත සනහාලමින් වැඩම කරන කසාය වර්ණයෙන් බබළන පුංචි නිග්‍රෝධ සාමණේරයන් වහන්සේගේ රූපකාය දුටහ. රජතෙමේ ස්වකීය ඇමතියන් බණවා මේ සාමණේරයන් මාළිගයට වැඩම කරගෙන එන්නැයි අණ කර සිටියහ. රාජ සභාවට වැඩි කුඩා තෙරණුවන් අමතා සුදුසු අසුනක් බලා වැඩ හිදින්නැයි අධිරාධයා කී කළ සුදුසු තැනක් බැලූ කුඩා නිග්‍රෝධයන් වහන්සේ මහ රජුගේ සිංහාසනයේම අසුන් ගත්හ. තමා ඉදිරියේ ඉන්නේ මුළු දඹදිව් තලයටම අධිපති අශෝක අධිරාජයා බව කුඩා හිමියෝ දනී. එහෙත් මොහොතකටවත් කිසිදු තැතිගැන්මක්,බියක් උන් වහන්සේට ඇති නොවීය. මහා අධිරාජ්‍යයක් බියෙන් සළිත කළ චන්ඩාශෝකයන්ට වඩා ලෝකයේ පහළ වූ ශ්‍රේෂ්ඨතම ශාස්තෘන් වහන්සේ වන ඒ භගවත් සම්මා සම්බුදුරාජාණන් වහන්සේගේ ශ්‍රාවකයකු වන තමාත් තමා පිහිටකොට ගත් සද්ධර්මයත් බලවත් බව කුඩා සාමණේර හිමියෝ දත්හ. නිග්‍රෝධ සාමණේරයන් වහන්සේ සිහසුන අරා වැඩහිද දහම් දෙසත් දී බිම හිද ගත් අශෝක අධිරාජයා තෙරුවණේ සරණ ගිය උපාසකයකු වෙමින් ධර්ම රාජ්‍යයට පිළිපන්හ."
එදා මහා අධිරාජයන් ඉදිරියේ පවා හිස නොනැවූ, රජුන් මැතියන් හමුවේ දෙවැනි නොවූ නිග්‍රෝධයන් වහන්සේලා අද වැඩ සිටිත්දැයි අපි නොදනිමු. ජාතියේ පිනෙන් තවත් පන්දහසක් කල් සසුනත් ජාතියත් මේ බිමේ ජීවමාන කරවන ජීව රුධිරය වූ මහ යතිවිරුවන් ලෙස හෙට බිහිවන්නට සිටින නිග්‍රෝධයන් වහන්සේලා ජාතියේ පවට උපන් ගෙයිදීම මරා දමමින් සිටින බව පමණක් අපි දනිමු. අස් පනා පිටම දකිමින් සිටින්නෙමු. බුදු රුවණත්, දහම් කදත්, සග රුවණත් තරම් වූ තවත් පූජනීය වස්තුවක් නැති බෞද්ධයෝ හිස් මුදුනේ තබාගෙන තෙරුවණ රකිත් දී මහා සගරුවණ හතර පේරුවේ දායකයන්ටත්, බුදු සසුන සුරකින සිංහල ජාතියටත්, මේ පින් බිමටත් රැකවරණය සදන මහා පවුරක් වෙමින් පෙරළා යුතුකම ඉටු කළහ. පර සතුරන් ඉදිරියේ පසු නොබා දිරිය වඩා දිවි පුදා තුන් හෙළයත් සම්බුදු සසුනත් රැකගත් ජාතියේ මුර පවුර වූ ඒ අදීන භික්ෂූන් වහන්ගේ දෑස් සර්වාගමික සහජීවනය නම් වූ කඩතුරාවෙන් වසා, මුඛවාඩම් දමා, උන්වහන්සේගේ පිට කොදු බිද කහ සිවුරේ රැකවරණය අහිමි කර ජාතියත් සසුනත් මළගමට දක්කන මළ යක්ෂයන් මේ පින් බිමේ පිණුම් ගහන කාලකණ්නි යුගයකට අපි පිවිස සිටින්නෙමු.
පසුගිය සැප්තැම්බරයේ කාලකණ්නි දවසක මෙකී තුච්ඡ වූ අශික්ෂිත සර්වාගමික නරිනාටකයේ තවත් අලජ්ජී දර්ශනයක් රග දැක්වී තිබිණි. තැන අනුරාධපුර හොරොව්පතාන ප්‍රදේශයේ අරාබි මුස්ලිම් විදුහලකි. ඒ පිළිබදව මතුගම සෙනෙවිරුවන් ශූරීන් තබා තිබූ සටහනක් ඒ ආකාරයෙන්ම මෙතැන තබමු.
"හොරොව්පතාන කියන්නේ නුවර කලාවිය නොහොත් අනුරාධපුර පළාතේ තියෙන ඓතිහාසික නගරයක්. මීට වසර සියයකට පමණ එහා මේ පළාතෙ මුස්ලිම් කඩයක්වත් දකින්නට තිබුණේ නැහැ. නමුත් 1915 න් පස්සෙ අපේ සද් ගුණවත් රටේ මහත්තුරු නිසා රෙදි වෙළෙඳාමෙ ගිය මරක්කයෝ කීප දෙනෙක් මෙහි බින්න බැස්සා. හරක් මරල බ්‍රිතාන්‍ය ආණ්ඩුවට මස සපයන කොන්ත්‍රාත් අරගෙන හිටිය රටේ මහත්තුරු උන් ලව්වා හරක් ඇති කරලා ඒ ජාවාරමත් කලා කියලයි කියන්නේ. කාලයක් යන කොට මේ හරක් පට්ටි අතහැරලා හිටිය ගම්මාන මුස්ලිම් අයට සින්න උනා. පස්සේ පස්සේ මරක්ක ජනගහනය වැඩි වද්දී මේ පළාතේ තියෙන ඓතිහාසික සිද්ධස්ථාන වල දැගැබ් හාරමින් මේ අය පොහොසත් වුණා.අවුරදු තිහක් තිස්සේ මේ පළාතටත් කොටි ගැහැව්වා. සිංහල මිනිස්සු අනාථ වීමේ නිමක් තිබුණේ නැහැ. නමුත් දේශපාලකයන් කලේ චන්ද ටික අරගෙන පළාතේ වනය විනාශ කරන්න නිදන් හාරන්න ව්‍යාපෘති හදපු එක විතරයි. මේ මෑත කාලයේ අලිගාලක් හැදුවේ ඒකටයි. දැන් යාන් ඔය ජලාශය හදනවා කියලා සිංහලයන් ඉතිරි ටිකත් අවතැන් කරලා කොම්පැණි වලට උක් වවන්න ඉඩම් දෙන්නයි ලෑස්තිය.
කොටි යුද්ධ කාලේ මේ පළාතට ආපු සංවිධානයක් තමයි. වර්ල්ඩ් විෂන් කියන්නේ. පළාතේ ප්‍රාදේශීය ලේකම් අල්ලගෙන ආධාරබෙදමින් ඔවුන් කලේ ක්‍රිස්තියානි අදහස් පතුරවන්න පරිසරය හදන එකයි. මේ සංවිධානයේ මූලිකත්වය ගෙන කටයුතු කළ එක ස්වාමීන් වහන්සේ නමක් තමයි. පූජ්‍ය අලුවිහාරේ විමලරතන හිමියන්.තනතුරු වලට කීර්තියට කැමති උන්වහන්සේ වර්ල්ඩ් විෂන් ව්‍යාපෘති වලින් පළාතේ පිළිගැනීමක් අත්පත් කරගෙනයි හිටියේ. ඒ නිසා කලක් යනකොට වර්ල්ඩ් විෂන් එක නැතිවම බැරිවුණා. යුද්ධය ඉවර වුණා. මේ පළාතේ මිනිස්සු ටික ටික තමන්ගේ වැඩ රාජකාරි කරගන්නට පෙළඹුණා. දැන් අර හාමුදුරුවන්ට ඉස්සර වගේ ව්‍යාපෘති වලට කැප වෙන්නට විදියක් නැහැ. මේ නිසා හාමුදුරුවන් තවත් රාජ්‍ය නොවන සංවිධානයකට එකතු වුණා. ඒකට කිය්නේ මුස්ලිම් ඒඩ් කියලයි. යුද්දෙන් අවතැන් වූ මුස්ලිම් අයට ගෙවල් හදාදෙන මේ සංවිධානය නිසා ටික ටික හාමුදුරුවන් මුස්ලිම් අය එක්ක බෙහෙවින් කුළුපග වුණා. මේ පළාතේ ඉන්න තවත් ස්වාමීන් වහන්සේ නමක් වන වැලිමුවපොතානේ පියරතන හිමියන් ද මේ සංවිධානයට එකතු වුණේ අහම්බෙන් නොවෙයි. ස්වර්ණතිලකාරාමයේ විහාරාධිපති වශයෙන් හොරොව්පතානේ මල්වතු පාර්ශවයේ නායක හිමියන් විදියට. කදිම එකතු වීමක් . මේ ස්වාමීන් වහන්සේලා දෙනම එකතු වෙලා හැදුවා නේපර් කියලා අන්තර් ආගමික සහජීවන නඩයක්. මේකට සියළුම ආගම් නියෝජනය කරන අය ඉන්නවා. මේ විදියට ගිහින් විමලරතන හිමියන්ට අස්ගිරි පාර්ශවයේ නායක පදවියක් ලැබුණා. මේ නායක උත්සවය සංවිධානය කරන්න බර පැන යෙදෙව්වේ මුස්ලිම් නඩයයි. ඉතින් නායක උත්සව පෙරහැරේ මුස්ලිම් දරුවන් ගේ නැටුම් එහෙමත් තිබුණා.
දැන් වස් කාලයට බෞද්ධ පින්කම් වලටවඩා මේ ස්වාමීන් වහන්සේලාට පල්ලියේ උත්සව වටිනවා. නිතරම පල්ලියට දුවනවා රැස්වීම්වලට. අළුත්ගම දර්ගානගරයේ සිදු වීම් වලින් පස්සේ අන්තර් ආගමික කමිටු හදන්නත් මුල් වුණා. පාසල් ළමුන් කණ්ඩායමක් උතුරට අරන් ගිහින් ජාතීන් අතර සහජීවනය උගෙන ගන්න යන ගමනකුත් සංවිධානය කලේ උන්වහන්සේලයි. පසුගිය සැප්තැම්බර් මස දහවන දා මේ නේපර් සංවිධනයට විශේෂ දවසක්. සිද්ධාර්ථ පිරිවෙනේ පොඩි හාමුදුරුවරුන් ඇතුළු පිරිසක් සමග එදා මේ නායක ස්වාමීන් වහන්සේලා දෙපළ සේරුවිල වන්දනාවේ පිටත්වුණා. රැළපනාවේ මෙන්ම අඹගස්වැවේ ලොකුහාමුදරුවන් දෙපළත් මෙයට එක් වුණා. කන්තලේ දී මේ නඩය දහවල් දානෙට ගියේ පන්සලකට නොවෙයි. අරාබි විදුහලකටයි. මෙය කලින් කතා කරලා සංවිධානය කළ වැඩක්. ඉතින් එහෙදී රැස්වීමක් එහෙම පවත්වලා ආගමික සහජීවනය ගැන කතා කරලා මුස්ලිම් අය එකතු වෙලා දානයකුත් පිළිගැන්වූවා. හරක් මස් ඉස්ටු සහිත මේ දානය මහත් ඵල ආනිසංස දෙනවා කියලා සුපුරුදු වියට අනුශාසනාව සිද්ද වුණා. අර උත්සවේ දි පොඩි හාමුදරුවන් පිරිසට කුරානයේ පිටපත් එහෙම දීලා ඒ අය කිව්වේ මුස්ලිම් අගමට ආවොත් ගොඩක් සැලකිලි ලැබෙනවා කියලයි. මේ උත්සවේ ඡායාරූප අරෙගෙන අන්තර් ජාලයට එහෙම මුදා හැරලා තිබුණේ මුස්ලිම් සංවිධානයක් විසිනුයි. ඉතින් සේරුවාවිලට එක්ක ගෙනගිය අරාබි විදුහලේ ළමුන් තොප්පි පැළඳ ගෙන විහාරස්ථානයට ඇතුළත් වුණා කියලා තවත් ජරමරයක් වුණා කියලයි ආරංචි........" (උපුටා‍ ගැනීම අවසන්)
කහ සිවුරේ බලය තිබෙන තුරු සිංහල ජාතියත් සම්බුදු සසුනත් මේ බිමෙන් තුරන් කළ නොහැකි බව එදා මෙදාතුර මේ රටට ඉව කරන පර සතුරන් දැන සිටියහ. "මේ රටේ කහවත් දරණ අරුම පුදුම මනුශ්‍ය කොටසක් ඉන්නවා, උන් රටවැසියන්ගේ මරණෙට මගුලට දුකට සැපට හැම එකකටම සම්බන්ද වෙලා කටයුතු කරනවා. උපදෙස් දෙනවා. රට වැසියෝ සංවිධානය කරනවා. මේ කහකඩ හමුදාව ඉන්නකල් අපට මේ රට යටත් කරගන්න බෑ" යන අදහස ඇතිව එදා සුදු ආණ්ඩුකාරයා බිරිතානියේ මහ ඒජන්තයාට ලියන්නේද ඒ නිසාය. එතැන් සියවස් ගණනකට පසු අදත් මේ සිංහල භූමියෙත්, ජාතියෙත්, සසුනේත් රැකවරණය මහ සගරුවණ බව පර සුද්දන් මේ බිමේ බෝ කර ගිය පව්කාර කළු සුද්දන් ද, වෙළදාමේ ආ දකුණු ඉන්දීය මහමදික මස්වැද්දන්ද ප්‍රමුඛ පර සතුරෝ දනිති. කහ සිවුරේ බලය බිද භික්ෂූව නිවට නියාලු චරිතයක් කරවීමෙන් මේ ජාතිය සදහටම හාන්සි කරවිය හැකි බව උන් දනිති. කතෝලික පල්ලියත්, ක්‍රිස්තියානි එවැන්ජලික නඩයත්, මුස්ලිම් මස් වැද්දනුත්, ධනයට බලයට කෑදර වූ ජාතියේ පවට ඉපදුණු ඉනා බේත් කා සහජීවන රුදාව හැදුණු චීවරධාරීන් කිහිප දෙනෙකුද හවුල් කරගෙන ඔළමොට්ටල පාළකයන්ට අං තට්ටු පළදවා නාස් ලණු දමා සර්වාගමික සර්වජාතික ඈ එකී නොකී නිවට සංකල්ප ජනගත කරවමින් දැන් කරළියේ රගදක්වමින් සිටින්නේ භික්ෂූව බෙලහීන කර, ජාතිකත්වයේ ගෙල සිර කර ජාතියත් සසුනත් සුන් කර මේ බිම පැහැර ගැනීමේ ඒ අධම නාටකයයි.
ඉවසා දරාගත නොහැකි හද කකියවන සිදුවීම නම් හෙට දිනයේ රටත්, ජාතියත් සසුනත් බාර ගන්නට සිටින, ජාතියට සසුනට රැකවරණය සදන මුර දේවතාවුන් වන්නට සිටින අපේ පොඩි හාමුදුරුවන් වහන්සේලාද මේ පාපතර මළ යක්ෂයන්ගේ පෙරේත තටුවල ගොදුරුට තැබීමයි. අහෝ... ශාසනාරක්ෂක දෙවියනි. අහිංසක සාමණේරයන් වහන්සේලා පස්පවේ ගිළුණු පව්කාර මස් වැද්දන්ගේ දෙපා මුළ දණ ගස්සවමින් මුන් මේ බිළි දෙන්නේ රජ මැතියන් ඉදිරියේ හිස නොනැමූ උත්තරීතර භික්ෂූත්වයේ ගෞරවය පමණක් නොව. පිට කොදු කඩා මේ උපන් ගෙයිදීම මරා දමන්නේ හෙට බිහි වන්නට සිටින දැයට සමයට පණ දුන් ගුණානන්ද, සුමංගල යති පරපුරේ ආගමනයයි.
සකල දේශ වාසී සිංහල බෞද්ධයිනි, ජාතියේ මිනී වල කපන සර්වාගමික මළ පුඩුවට එරෙහි වව්!

Read more ...

බොදු විරෝධී මිෂනාරීන් පක්ෂ දේශපාලනයත් ගිල ගනීද?

බොදු විරෝධී අන්‍යාගමික මූලධර්මවාදීන් පක්ෂ දේශපාලනය තුලට රිංගාගෙන ජාතික දේශපාලනයත් දේශපාලන පක්ෂ මතවාදයත් බොදු වීරෝධී මගක මෙහෙයවමින් සිටිති. මේ රටේ පතාක බෞද්ධ නායකයන් බිහිකල දැවන්තම සිංහල බෞද්ධ පක්ෂ දෙක වන එ.ජා.ය.ත් ශ්‍රී.ල.නි.ප.ය ත් එසේ තතෝලික පල්ලියේත් ඇමරිකානු ඉවැන්ජලික මූළධර්මවාදී පූජකයන්ගේත් අනසකට යටවෙත්දී රටේ සැබෑ ජන බලය වූ භික්ෂූන් වහන්සේ නාමික උපදේශකයන් පමණක් බවට පත් කරමින් කුණු මුල්ලට විසිකර දමත්දී ජාතික දේශපාලනය බොදු විරෝධී මගකට අවතීර්ණ වී තිබීම අරුමයක් නොවේ. මේ ලංකාවේ දැවැන්තම තනි ජනපදනමක් සහිත එක්සත් ජාතික පක්ෂය තුල බලය පිහිටුවාක් තවත් එක් මූලධර්මවාදී කල්ලියක මහමොළකරුවෙකු ගැන කෙරුණු හෙලිදරව්වකි.

රාජකීය පණ්ඩිත ශ්‍රාස්ත්‍රපති බොදු බල සේනා මහා ලේකම් පුජ්ය ගලගොඩඅත්තේ ඥාණසාර හිමියන් ඊයේ දින (2014-09-28) මහ සඟ සමුලුවේදී අනාවරනය කල විශේෂ හෙලිදරව්ව.. උන් වහන්සේගේම වචන වලින්...

මට පුදුම හිතුන.. පහුගිය දවස් වල තිබුන එක්සත් ජාතික පක්ශයේ මහ සමුලුවක්.. නායකයෝ තෝරන සමුලුවක් තිබ්බ.. ඒ සමුලුවේ භාන්ඩාගාරික ධූරයට පත්වෙච්ච කෙනා දිහා දැඩි අවධානයෙන් අපි බලන් හිටිය.. මම ඉතින් නඩු වලට බය උන්නාන්සෙ කෙනෙක් නෙවෙයිනෙ.. "එරාන් වික්‍රමරත්න".. දැන් ඔන්න තව එන්තරවාසියක් හෙට මේසෙ උඩ.. අපි බය නෑ.. මොකද හේතුව, දැන් මේ UNP එකේ නායකයොයි ඕකෙ හරි ලොකුවට කථාකරන ඇතැම් නායකයොයි, මෙ භික්ශූන් වහන්සේලා ගොඩනගන වැඩපිලිවෙලවල් ගැන භික්ශූන් වහන්සේලාගෙ ජාතික දේශපාලනය ගැන, හරියට පුරාජේරු නැත්තන් හරියට ඉතාම නින්ඳාසහගතවයි මෙ උන්නැහෙල කථා කරන්නෙ.. මේ හාමුදුරුවරුන්ගෙ හැසිරීම ගැන උන්දැලගේ පත්තර කඩමාලු වලත් භික්ශුවට පහර දෙනව..ඉතින් ඒක වෙන්ඩ ඕනනෙ.. මට කියන්න බලන්න මේ රටේ මොන පක්ශෙද භික්ශූන් වහන්සේ නමකට තැනක් දිල තියෙන්නෙ.. මොන දේශපාලන පක්ශෙද..??

හාමුදුරුවරු නිකන් කුඩ සහ දැහැටි දඬු විතරයිනෙ.. අවශ්‍ය වෙලාවට පාවිච්චි කලා, කුඩේ ඉහලුව ඇඳ යටින් දැම්ම වගේ, දැහැටි දන්ඬ වගේ, පාවිච්චි කලා ඉවරයි.. ආයෙ වැඩක් එනකොට හතරවරන් දාල හතරගාතෙ දාල විරිත්තල වැඩේ කරගන්නව.. තීරක තැනක භික්ශූන් වහන්සේල නෑ.. හබැයි මන් බැලුව UNP එකට මොකද උනේ.. "එසෙම්බ්ලි ඔෆ් ගෝඩ් නමින්" (Assembly of god) රට පුරා ශාකා 400කට වැඩිය අනවසරයෙන් ඉදිකරල තියන පල්ලි ජාලයේ මහ එකා අද අර මහා දැවැන්ත බෞද්ධ නායකයෝ හිටපු පක්ශයේ භාන්ඩාගාරික කරල තියෙනව.. කවුද කථාකරන්නෙ...??? ඒ ගන කවුරුත් කථා කරන්නෙ නෑ.. බෞද්ධයන්ගෙ කඩාවැටීමට එරෙහිව සිංහල බෞද්ධය සන්නද්ධ කරල මතවාදීව, එක ජාතික අරමුනකට පෙලගස්වන විට, අපට අඳෝනා තියන ඒවා වැරදි විදියට ලියන එකෙක්වත් ඒක දකින්නෙ නෑ.. අද ජිනීවා වල ප්‍රශ්න, අද ලෝකෙ හැම තැනකම මානව හිමිකම් ප්‍රශ්න, මේ රටේ ආගමික නිදහසක් නැතිලු..

මන් අහනව අපේ හූරුවරිගේ වන්නියල ඇත්තන්ගෙන්, රතුගල ආදිවාසි ගම්මානයට මොකද උනේ..?? අපට පුලුවන්කමක් තිබුනද ඒකට මූන දෙන්න..?? සුද්දො ඇවිල්ල ඒ ආදිවාසී ජනය සංස්කෘතිකමය වශයෙන් විනාශ කලා, එක නායකයෙක් කථා කලාද වන්නියල ඇත්තො..? එක නායකයෙක් කථා කලාද..?? ගමේ කරිඥ්ඥන් ටික බීපු, ආදිවාසි ජනයට විස්කි පොවල, ඒ යුරෝපීය සිරිත් විරිත් පුරුදු කරද්දි එක නායකයෙක් ඇහැ ඇරල බැලුවෙ නෑ..!! ඊලඟට ඒ වෙනුවෙන් මෙතුමන්ල මැදිහත් උනානම් ආදිවාසී නායකයා "ජාතිවාදියෙකී" "ආගම්වාදියෙකී" ඔන්න ලියනව පත්තර වල ලොකු අකුරෙන්.. අදත් අපේ සිංහල බෞද්ධ ගම් වලට ඇවිල්ල ඔය "Assembly of god" ඇතුලු නොයෙක් කල්ලි මොනතරම් ප්‍රශ්න හදල තියෙනවද..??

අපි පහුගිය දවස් වල තලාහේන ප්රදේශයේ අවුරුදු 7ක් නඩු කියල යන්තන් නිදොස් කොට නිදහස ලැබුව.. බලනකොට තුන් දෙනාම වැඩකරන්නෙ ඒ පල්ලියේ පාස්ටර්ල තුන් දෙනාම වැඩ කරන්නෙ ඇමරිකන් එම්බසියෙ..!! ඒකට විරෝදය පාපුවාම උස්සගෙන යනව උසාවි.. මේගොල්ලොම වාර්ථා හදනව, ජාත්‍යන්තරයට යවනව, බෞද්ධයන්ගේ ගම් වලට ඇතුල් වෙලා ගෙවල් කුලියට අරගෙන එක එක මඩු අටවගෙන මේ කරන බෞද්ධ සන්හාරය දැක දැක නායකයො නිහඬව ඉන්නව.. ජාත්‍යන්තරයට වාර්තා යවනව, හාමුදුරුවරු මහ යක්කු වගේ, බෞද්ධයො අන්‍යගමිකයන්ට.... එහෙම දෙයක් වෙනවද මේ රටේ..?? ඒක නිවැරදි කරන්න කෙනෙක් නැතිවීම ගැන අපි ලැජ්ජ වෙන්න ඕනෙ.. රටේ ආගමික කුමන්ත්‍රන හදන බෞද්ධත්වයෙන් ඉවත් කරල සංස්කෘතිකමය වශයෙන් ඝාතනය කරන්න එරාන් වික්‍රමරත්නලට පුලුවන්නම් අර මහ දැවැන්ත පක්ශ වල බලපුලුවන්කාරයො වෙන්න, ඇයි අපට බැරි මේක කරන්න...???

මේව හිතන්න හාමුදුරුවනේ, මහත්වරුනි මේක කල්පනා කරන්න..බොදු බල සේනාව විවේචයන කරන එකෙක්වත් සැල්වේශන් ආමි (Salvation Army) ගැන කථා කරන්නෙ නෑ..!! ගලවීමේ හමුදාව ගැන කවුරුත් කථා කරන්නෙ නෑ.. ඒ නිසා මන් හැමදාමත් අහන්නෙ බික්ශු බික්ශුනී උපාසක උපාසිකාවන් එකතුවෙන තැන "බොදු බල සේනා" නොකිය ඒකට සැල්වේශන් ආමි කිව්වනම්, ඔන්න කට්ටිය කැමතිවෙයි.. මේක තමයි තිත්ත ඇත්ත...!!!

ඒ නිසා අපි අන්යාගමික මූලධර්මවාදීන් මේ පක්ශ දේශපාලනයට ඇවිල්ල මේ රට ආගමික ගට්ටනයන් ඇතිකරන තැනක් බවට පත්කිරීමට දරන වෑයමට අපි අනිවාරයෙන් තිත තැබිය යුතුයි...!!!!

පසු සටහන -

ජාතික ඇඳුම ඇඳ හෙළ උරුවට කොන්ඩය පීරා සිංහල බෞද්ධයෙකු ලෙස පෙනී සිටින එරාන් වික්‍රමරත්න නැමැති මේ මහා ප්‍රෝඩකාරී ජාතිද්‍රෝහියා ගැන සියල්ලන් දැනුවත් වෙමු..!!

එමෙන්ම මෙසේ අහිංසක සිංහලයන්ව රවට්ටමින් ඔවුන්ව ගොනාට ඇන්දවීමට මාන බලමින් සිටින පිල්ලි අනන්තවත් සිටින බව තරයේ මතක තබා ගනිමු.. එම කැනහිලුන් මුලිනුපුටාදමා සිංහලයාත් බුදු දහමත් රැක ගන්නා තෙක් අප සියල්ලන් එකාවන්ව පෙලගැසෙමු.. එය යුගයේ යුතුකමයි...!!!

ලිපිය සිංහලයිනේ අවදිවෙයව්
Read more ...

ඇතුගල පාමුළ දී රීමික් වුණු දළදා මැදුර - සංස්කෘතික කොල්ලයේ තවත් දිගහැරුමක්

මේ රට බෞද්ධයන් සතු වටිනාම පූජ්‍ය වස්තුව කුමක්දැයි යමෙකු ඇසුවොත් නිතැතින්ම සිහි වන්නේ කන්ද උඩරට විරාජමානව වැඩ වසන ශ්‍රී දන්ත ධාතූන් වහන්සේය. සිංහල දේශවාසී අපට පමණක් නොව දළදා වහන්සේ මුළු මහත් ලෝක බෞද්ධ ප්‍රජාවගේම මුදුන් මල්කඩයි. එබැවින් උන් වහන්සේ වැඩ වාසය කරන මන්දිරයද එතරම්ම සුවිශේෂී වූවක් මෙන්ම එය මේ රටේ බෞද්ධයන්ගේ අති විශිෂ්ඨ ගෘහ නිර්මාණ කළාවත් අභිමානවත් අනන්‍යතාවයත් නිහඩව ලොවට කියා පානා මහාර්ඝ වූ සංඛේතයකි. සහෘදයිනි... මේ සමග ඇති ඡායාරූපය අවධානයෙන් නරඹන්න. සිංහල බෞද්ධකමට, අභිමානවත් හෙළ සංස්කෘතියට අපේකමට ආදරය කරන ඔබේ හදවතට වේදනාවක් ඇති නොවුණාද?

වරදවා නොගන්න මේ බෞද්ධ විහාරයක් නොවේ. මේ දළදා මැදුරේ පත්තිරිප්පුවත්, උඩරට ගෘහ නිර්මාණ කලාවත් (පියස්ස, රැළි පාලම්)අනුකරණය කරමින් ඉදිකර ඇති කිතුණු සභාවේ කුරුණෑගල දියෝකීසියට අයත් ඇතුගල පාමුළ පිහිටි ඇන්ග්ලිකානූ පල්ලියයි. පත්තිරිප්පුව මුදුනේ ‍වූ පරම පවිත්‍ර වූ නිර්වාණය සංඛේතවත් කරමින් රනින් බැබළුනු රන්කොතට වූයේ කුමක්ද? ආගමික සහජීවනය නම් වූ කඩතුරාවට මුවා වෙමින් මේ අවස්ථාව වන විටිත් කතෝලික සංස්ථාව හරහා අති සාර්ථකව දියත් වෙමින් පවතින සිංහල බෞද්ධ සංස්කෘති මංකෝල්ලයේ අවසාන අරමුණ කුමක් ද යන්න "රන්කොත" කුරුසියක් වීම තුළින් සංඛේතවත් වන බව ඔබ මොහොතකට සිතුවාද?

රටක් සතු සංස්කෘතිය යනු ඒ රට ගොඩ නැගූ ඓතිහාසික ජාතියේ අභිමානය ලොවට කියාපාන මූලික සාධකයයි. ඒ අනුව ලොව අන් කිසිම ජාතියකට දෙවෙනි නොවන අසමසම ශ්‍රෙෂ්ඨ සංස්කෘතියකට මේ රටේ ඓතිහාසික සංස්කෘතියේ උරුමක්කරුවන් වන සිංහලයන් හිමිකම් කියයි. මේකී සංස්කෘතිය සතු සියලු වටිනාකමුත් හර පද්ධතියත් ගොඩ නැගූනේ බුදු දහම නම් වූ අමිල දායාදය සිංහලයා සතු වූ බැවින්ම වන නිසා ඒ සංස්කෘතිය සිංහල බෞද්ධ සංස්කෘතිය විය. ඒ අනුව ඓතිහාසිකව හෙළ බොදුණුවා ගොඩ නගා ගත් උදාර චින්තනයත් කළා ශිල්ප, ගෘහ නිර්මාණ ඇතුළු සියළුම ජීවන ක්‍රියාකාරකම්වලටත් හා සංකල්ප වලටත් නිත්‍ය පදනම වූයේ බුදු දහමයි. බුදු දහම නම් වූ යදමින් සිංහලයා කිසිදා ගැලවිය නොහැකි ලෙස හෙළ බොදු සංස්කෘතියට බැද තබා ඇත. සිංහලකමත් බෞද්ධ කමත් දෙකක් නොව එකක් වන්නේ ඒ අනුවය. (සිංහල කතෝලික / සිංහල ක්‍රිස්තියානි ලෙස විකාරරූපි පිස්සු මරගාතයක් ගොඩ නැගීමට ඇතැම් මානසික රෝගීන් මේ දිනවල උත්සහා කරමින් සිටින බවද මතක තබා ගත යුතුය.)

මේ රටේ අනන්‍යතාවයට කිසිම හිමිකමක් නැති අපකීර්තිමත් ඉතිහාසයකට හිමිකම් කියන ලංකා කතෝලික සභාව මුළුමනින් ම බෞද්ධ සංකල්ප මත ගොඩ නැගුණු සංස්කෘතික අංගෝපාංගයනුත්, කළා නිර්මාණත්, (සදකඩපහණ, මකර තොරණ, පුන්කලස්, මගුල්බෙර වාදන, උඩරට නර්ථන ඇතුළු සියළු සංස්කෘතිකාංගත් බුදු දහමේ සෙවණ යට ගොඩනැගුණු සාම්ප්‍රධායික සිරිත් විරිතුත්)කොටින්ම මේ රටේ පදනම වූ භික්ෂූන්වහන්සේ සතු ප්‍රතිරූපයත් අමු අමුවේම කිතුණු ආගමට ආදේශ කරමින් කතෝලිකාගමද විහිළුවට ලක්කරමින් පවතින බව මේ වන විට රහසක් නොවේ. මෙය පැහැදිලිවම අමු අමුවේ ක්‍රියාත්මක කරන සංස්කෘති මංකොල්ලයකි. තමන්ගේ සංස්කෘතිය හෝ ඉතිහාසය වටිනාකම් වලින් තොර දුප්පත් එකක්නම් ඇති තැනකින් නැති දෙයක් ගත්තායැයි සිතා අපට නිහඩව සිටීමට නොහැකි තරමට ඔවුන් ඉදිරි පියවර කිහිපයක් මේ වන විට තබා තිබේ. සදකඩපහණ ඇතුළු හෙළ කලා නිර්මාණත් සෙසු සංස්කෘතිකාංගත්, ගෘහනිර්මාන ශිල්පයත් සිංහල බෞද්ධ චාරිත්‍ර වාරිත්‍රත් පල්ලියට ආදේශ කරගෙන ඒවායේ හරය විකෘති කර අමු අමුවේ කෙළෙසා දමා ඇත. යම් ජාතියක් හා සමාජයක් ඓතිහාසිකව ගොඩ නගාගෙන රැකගෙන ආ සංස්කෘතික උරුමය විකෘති කර විනාශ කර දැමීමට පල්ලියට බලය දුන්නේ කවුද?

සිංහල බෞද්ධයාගේ පදනමට පහර දෙමින් සදාචාර විරෝධී ලෙස අමු අමුවේ කරගෙන යන මේ මහා සංස්කෘතික දූෂණය සාධාරණීකරනය කිරීම සදහා පල්ලිය අපූරු සටකපට දීර්ඝකාලීන මෙහෙයුම් රාශියක් දියත් කර ඇත. ඒ වෙනුවේන් සිංහල බෞද්ධයන්ගේ ඇස් වැසීම සදහා සර්වාගමික සහජීවනය නම් වූ නින්දිත සංකල්පයක් සමාජගත කර ඇත. අන්තර් ආගමික සහජීවනය නම් වූ කඩතුරාවෙන් බෞද්ධයන්ගේ ඇස් වසා "විවිධත්වය තුළ ඒකීයත්වය" හා ක්‍රිස්තියානිය "දේශානුරූපීකරණය කිරීම" වැනි වචන හරඹ මුවාවෙන් කරලියට ගෙන ඇති මේ කූට මෙහෙයුම හරහා දියත් වෙන්නේ අන් කිසිවක් නොව ක්‍රිස්තියානි නව යටත් විජිතකරණ සැළසුමයි.

ඔබත්, මමත්, රටත්, ජාතියත්, ආගමත් වෙළාගෙන ක්‍රියාත්මක වන මේ බිහිසුණු නව යටත්විජිතකරණ සැළසුම නම් කුමක්දැයි බෞද්ධයන් වහ වහා හැදින ගත යුතුය. බොහෝ බැරෑරුම් කරුණු පසුවට තබා සරලව හදුනා ගනිමු. නාවික කර්මන්තය දියුණු වීමට සමගාමීව බටහිර ජාතීන් ලෝකයේ අක්මුල් සොයා පෙරදිගට යාත්‍රා කරන්නට පටන් ගැනීමත් සමග බටහිර ආක්‍රමණික යටත්විජිත යුගය ආරම්භ වෙයි. 1505 දී පෘතුගීසී නාවුක භට කණ්ඩායමක් අහම්බෙන් මේ රටට කඩා වදින්නේ ඒ අනුවය. එක් අතකින් තුවක්කුවත් අනිත් අතින් බයිබලයත් රැගෙන සිංහල රටේ පාළනය යටත් කර ගත් ‍පෘතුගීසි, ලන්දේසී, ඉංග්‍රීසී පර ජාතීන් පූජකයන්ගේද මූලිකත්වයෙන් පන්සිය වසක් තිස්සේ මේ රටට ජාතියට ආගමට සංස්කෘතියට කළ මහා ව්‍යසනය ගැන අමුතුවෙන් අටුවා ටීකා ලිවීමට අවශ්‍ය නොවේ. වසර සියගණනක් තිස්සේ සුද්දන්ගේ යකඩ සපත්තුවෙන් පාගාගෙන සිටියන් ඔවුන්ට අවශ්‍ය ආකාරයට ඔවුන්ගේ චින්තනයට යටත් වූ අවනත පිරිසක් මේ රටේ බිහි කරගැනීමට ඔවුන්ට නොහැකි විය. ඒ අන් කිසිවක් නිසා නොව මෙහි වැසියන් සිංහල බෞද්ධ සංස්කෘතිය හා ලෙයින් මසින් බැදී සිටි බැවිනි. එහි ජීවමාන යදම වූයේ භික්ෂූන් වහන්සේය. "මේ රටේ පරිපාලනය යටත් කරගත්තද මේ රට්ටුන් ආධ්‍යාත්මිකව යටත් කරගත නොහැක්කේ මේ ශක්තිමත් සිංහල බෞද්ධ සංස්කෘතික පදනමත් කහ කඩ හමුදාවත් (අපේ හාමුදුරුවන් වහන්සේලා)නිසා බව එදා සුදු ඒජන්තයන් බිරිතානි රජුට පැමිණිළ කලේ ඒ නිසාය. රට ආධ්‍යාත්මිකව යටත් කර ගැනීමටනම් සිංහල බෞද්ධ පදනම විනාශ කළ යුතුය. එතැන් පටන් ඇරඹෙන්නේ සිංහල බෞද්ධ දේශයේ කාලකන්නි අදුරුතම යුගයයි. ඔවුහු අපේ භික්ෂූන් වහන්සේලා ඝාතනය කළහ, වෙහෙර විහාර පොත් ගුල් ගිනි තැබූහ, වසර දහස් ගණනක් තිස්සේ සිංහල බෞද්ධයන් ගොඩ නැගූ දැනුම් පද්ධතියත් සංස්කෘතික හර පද්ධතියත් වනසා දැමූහ, අනාගත පරපුරේ මොළ ශෝධනය කර බටහිරගැත්තන් පිරිසක් බෝ කර ගැනීම සදහා පන්සල මූලික කරගත් අධ්‍යාපනය වනසා දැමූහ. නමුත් මේසා අහස පොළව නුහුලන තරමේ සංහාරයක් අවසානයේ සුද්දන් මේ රටින් පිටවෙද්දී ඔවුන් සිතූ තරම් ක්‍රිස්තියානිය අදහන බටහිර ගැත්තන් පිරිසක් බිහිකරගත නොහැකි වූයේ සිංහල බෞද්ධ පදනම මේ රටේ පසට පොළවට පවා කිදා බැස තිබුණු නිසා විය හැකිය.

20 වන සියවසේ මැද භාගයේදී ලෝකය පුරා උත්සන්න වුණු බටහිර යටත්විජිතකරන විරෝධී අරගල නිසා බොහෝ ජාතීන්ට නිදහස ලැබුණත් ඒ වන විටත් ඔවුන් වසර දහස් ගණනක් තිස්සේ ගොඩනගාගත් බොහෝ දේ අහිමි වී කුරුසය ලග දණින් වැටී විමුක්තිය යදින ආධ්‍යාත්මික වහල්ලුන් පිරිසක් බවට පත් වී තිබිණි. (නමුත් සිංහල බෞද්ධ රටේ තත්වය ඊට බොහෝ වෙනස් බව අප මතක තබා ගත යුතුය) සෘජු යටත්විජිතකරණ ක්‍රියාවලිය බිද වැටීමත් සමග බටහිරයන් යටත් විජිත රාජ්‍යයන් හැර ගියද ක්‍රිස්තියානි චින්තනයෙන් ඔවුන්ට උරුම වූ සිරුර පමණක් පිනවන අධිපරිභෝජනවාදී ජීවන රටාව තව දුරටත් නඩත්තු කර ගැනීම උදෙසා පෙරදිග රටවල ස්වභාවික හා මානව සම්පත සූරාකෑ‍මේ මොඩලය තව දුරටත් පවත්වාගැනීම අත්‍යවශ්‍ය විය. සෘජු යටත් විජිතකරණය වෙනුවට නව යටත්විජිතකරණ ව්‍යාපෘතිය එළි දකින්නේ මෙතැනදීය. එතෙක් කල් තුවක්කුවේ බලයෙන් කෲරත්වය පෙරමුණේ තබාගෙන පැමිණි බටහිර ආක්‍රමණය නව යටත්විජිතකරණය යටතේ පැමිනෙන්නේ වඩාත් මිත්‍රශීලී ආකාරයෙනි. බටහිර ආදිපත්‍යයේ බිහි දොර වූ ක්‍රිස්තියානිකරනය එදා සෘජු ලෙස ක්‍රියාත්මක වුව ද අද ක්‍රියාවට නැංවෙන්නේ වඩාත් සූක්ෂම හා නොමග යවන සුළු ආකාරයෙනි.
එදා තුවක්කුවේ බලයෙන් සිංහල බෞද්ධ පදනම විනාශ කිරීමට බටහිරයන්ට නොහැකි වූවත් අද පල්ලිය හරහා සූක්ෂමව ක්‍රියාත්මක වන සංස්කෘතික මංකොල්ලය හා විකෘතිය හරහා ඔවුන්ගේ අරමුණ සාර්ථක කරගෙන තිබේ. මේ හරහා ඉදිරියේදී බිහිවන්නේ විකෘති වූ සංස්කෘතියකි. මේ රටේ ඉතිහාසය සංස්කෘතිය නොදත් අක්මුල් සිද ගත් දරුපරපුරකි. සිංහලකම අපේකම නොදත් ඔවුන් අදටත් වඩා පහසුවෙන් බටහිරයන්ගේ සංස්කෘතික හා මානසික වහලුන් කරගත හැකි වෙනු ඇත. සර්වාගමික සහජීවනය, සර්වජාතික සංකල්පය ආදී බහුබූත පෙරමුණේ තබාගනිමින් මේ ක්‍රියාවට නැවෙන්නේ මෙකි සූක්ෂම වූ බටහිර නව යටත්විජිතකරණ ව්‍යාපෘතියයි.

අවසානයේ විශේෂ යමක් සදහන් කළ යුතුය. අද වනවිට සිංහල බෞද්ධයාගේ අනාගතය අදුරේ හෙළමින් අතිශයින්ම බරපතල වූ මුස්ලිම්කරණ හා ක්‍රිස්තියානි යටත්විජිතකරන ව්‍යාපෘතියක් ක්‍රියාත්මක වෙමින් පවතී. ජාතික සංවිධාන පාර්ශව මේ දෙකෙහිම බරපතලකම අදුනාගත්ත ද සංස්කෘතික මංකොල්ලය හරහා සිංහල බෞද්ද පදනම දෙදරවමින් කරගෙන යන මහා ව්‍යසනය පිළිබදව අවධානය යොමු නොකරන්නේ මන්දැයි අපි ප්‍රශ්න කළ යුතුය. පල්ලිය හරහා යම් කිසි අදිසි බලපෑමක් ක්‍රියාත්මක වන්නේද? නැතිනම් පල්ලියේ අදිසි නියෝජිතයන් විසින් ක්‍රිස්තියානිකරණයට එරෙහිව ක්‍රියාත්මක වීම උදාසීන කර තිබෙනවාද? ක්‍රිස්තියානි අධිකාරීන් සමග එක්ව මුස්ලිම්කරණයට මුහුණ දිය යුතු යැයි තවත් පිරිසක් මත පතුරවති. ක්‍රිස්තියානි පල්ලියේ සහය ලබා ගත යුතු නිසා ක්‍රිස්තියානිකරණය ගැන කතා කර ඔවුන් අමනාප කර ‍නොගත යුතු යැයි ඒ සමගම කියති. මේ අන් කිසිවක් නොව මුස්ලිම් කරණයට මුවා වී තමන්ගේ කූට ව්‍යාපෘතිය ක්‍රියාත්මක කරගැනීම සදහා පල්ලිය විසින් ක්‍රියාත්මක කරන ඩබල් ගේමක් බව බෞද්ධයන් අවබෝධ කර ගත යුතුය. ඒ මන්ද යත්, ක්‍රිස්තියානි අධිකාරීන් බෞද්ධ පාර්ශව සමග සම්බන්ධ වූයේ ඔවුන්ගේ වාසියට මිස ජාතියට හෝ රටට ආදරයකින් නොවන බව ඓතිහාසික සත්‍යයක් වන නිසාය.
Read more ...

අන්‍යාගම් අතර බුද්ධාගම දියකරහරින සර්වාගමික නරි නාටකය

ගෞතම බුදු සසුන පන්දහසක් කල් පවතින බවත්, අවුරුදු දෙදහස් පන්සීයක දෙවන අවධිය බුදු සමය පිරිහෙන යුගය බවත් කියවෙයි. (පිරිහෙන්නේ බුදු දහම නොව, මිනිසුන්ගේ ප්‍රඥාවයි)මේ යුගයේ අකලට පහළවන මෛත්‍රී බුදු වරුන්, ශ්‍රාවකයින් ක්ෂණිකව නිවන් දක්කන්නන්, බොරු අභිඥාලාභීනුත්, පුද්ගලික ලාබ සත්කාර උදෙසා සිවුරු දරාගෙන පන්සල ව්‍යාපාරික ස්ථානයක් කර ගත් ඇතැම් මහණුන්, එකි නොකී සකලවිධ ශාසනික කද පණුවන්ගේත් කල් ක්‍රියාවන් දකින විට සිතෙන්නේ එකී පිරිහීම අප ඇස් ඉදිරිපිටම දක්නට තරම් අපි අවාසනාවන්තයන් වී ඇති බවයි. එපමණක් නොව, සර්වාගමික සහජීවනය නමැති මායා දැලේ පැටලුණු ඇතැම් හිමිවරු බුද්ධ දේශනයට ද පිටුපා බුදුන් පිටුදැකි මිත්‍යාවන් පන්සලට ගාල් කරගෙන ජවුසන් නටනු දැකීමට තරම් බෞද්ධයන් අවාසනාවන්ත වී ඇති සැටි.

එදා තුන්කල් දුටු ණුවනින් අනගාරික ධර්මපාල උතුමන් කියූ දේ අද සැබෑ වී ඇත. "කලු සුද්දන්ගේ ඉනා බෙහෙත අපේ ඇතැම් භික්ෂූහූද කා ඇත. ඔවුහු තුන් පිටකය, දහම් පදය කුණු මුල්ලට දමා සර්වාගමක් ගැන දෙසති, බුදු දහමත් දේවාගමුත් එකැයි කියති. පල්ලියේ චාරිත්‍ර පන්සලේ කරවති. නොම්බි අරවති, ගවලෙන් තනති. පන්සලෙත් පල්ලියෙත් දැල්වෙන්නේ එකම පහණ යැයි කියමින් විලාප තබති. සහජීවනයට මුවා වී බෞද්ධ තරුණ පරපුර බුදු දහමෙන් ඈත් කර සර්වාගමික ගැත්තන් කරවීමට යත්න දරති. කොටින්ම කියනවානම් දහම් දීපයේ දම් අමාව බත් වෙනුවට කති. මෙකී සිවුරුධාරීන් සහජීවනය තව තවත් තර කරගැනීම උදෙසා නුදුරේදීම පන්සලේ භූමියේ පල්ලි තනාගන්නටත් ඉඩ දුන්නොත් එවා එතරම් පුදුම විය යුතු කරුණු නොවේ. සර්වාගමික සහජීවනයෙන් දෙනෙත් අන්ධ වූවන්ටත්, අන්‍යාගමිකයන්ටත් මේවා උදම් ඇනීමට කාරණාය. ඇතැම්හූ මෙන්න සහජීවනය යැයි කියමින් සාදුකාර දෙති. එනමුදු සැබෑ බොදුනුවකුට මේ විගඩම් දෙස බලමින් සතුටු විය හැකිද?

"පන්සලක් තුළ මුස්ලිම් ජාතිකයන් නෝම්බි අරින අශෝභන දර්ශනය අපි මුල්වතාවට දුටුවේ කොළඹ මාළිගාකන්ද අග්‍රශ්‍රාවක විහාරයේදීය. ඉන් පසුව ගම්පහ ප්‍රදේශයේදී ප්‍රකට නාටිකාංගනාවක් මුස්ලිම් ජාතිකයන් සමග බුදු රුවට පිටුපා නෝම්බි අරින ඡායාරූප පළවිය. (වම් පස ඡායාරූපය) අනෙක් ඡායාරූපය මාරවිල දෙමටපිටිය ප්‍රදේශයේ විහාරස්ථානයක දී ලබාගත් ඒවායි"

බොහො අය සිතා සිටින්නේද. වත්මන් සමාජයට සිතන්නට උගන්වන්නේද මෙය බහු ආගමික, බහු ජාතික, බහුවාර්ගික රටක් ලෙසය. ‍නමුත් මෙය අතීතයේ මෙන්ම අනාගතයේදී ද සිංහල බෞද්ධයන් මූලික කරගත් "සිංහල බෞද්ධ" රටයි. ඕනෑම රටක ඓතිහාසිකවම උරුමක්කරුවන් වූ මහ ජාතියක් සිටින අතර එහි වෙසෙන සුලුතර ජන කණ්ඩායම් හදුන්වන්නේ ජාතීන් ලෙස නොව "ජන වර්ග" ලෙසය. ඒ බහුතර ජාතිය විසින් ඓතිහාසිකව ගොඩනගන ලද සංස්කෘතියක් පවතින අතර ඔවුන් විසින් සැමදා අනුගමනය කරන්නේ එම සංස්කෘතියයි. අන් සියලුම ජන කණ්ඩායම් ඒ සංස්කෘතියට අනුගත වී ජීවත් විය යුතුය. ඒ ලෝකයේ කොතනටත් පොදු සාධකයයි. ඒ අනුව බලන කල මේරටේ ප්‍රධාන ජාතිය වන්නෙ සිංහලය, ඔවුන්ගේ ඓතිහාසික ආගම වන්නේ බුදු දහමය. එසේ හෙයින් මෙය සිංහල බෞද්ධ සංස්කෘතිය පාදක කොටගත් දේශයකි. මේ සිංහල බෞද්ධ ස්ථාවර පදනම බිද දැමීම සදහා අනෙකුත් සුලුතර ජනකණ්ඩායම් විසින් කාලාන්තරයක් තිස්සේ විවිධ වූ රහසිගත උපායයන් අනුගමනය කරන අතර. විවිධ වූ මනොමූලික උපක්‍රමයන් අනුගමනය කරමින් මහජාතියේද මොල සෝදන ආකාරය දැන් එලිපිටම සිදු කරමින් පවතින බව නම් නොරහසකි. ඒ සදහා මහ ජාතියේම දේශපාලන ප්‍රබලයන් පමණක් නොව බෞද්ධ භික්ෂූන් වහන්සේ (ධර්මපාල උතුමන්ට අනුව ඉනා බේත් කෑ පල්ලි නිකායේ ශ්‍රමණයින්) පවා ඉත්තන් ලෙස යොදා ගන්නා බව කූප්‍රකට කරුණකි. මේ අතරින් දැඩිලෙසම සමාජගත කරමින් සිටින්නේ බහුජාතික, බහු ආගමික සංකල්පයයි... සියලුම ජාතීන් එකය. සියලුම ආගම් එකය. යන මතය සූක්ෂම ලෙස වත්මන් පරපුරට කාවද්දමින් කරගෙන යන මේ "සර්වාගමික" මේනියාව සිංහල ජාතියත් බුදු දහමත් මේ බිමෙන් තුරන් කරලීම සදහා දියත් කරවමින් පවතින දැවැන්තම මනෝමූලික කුමන්ත්‍රණය ලෙස හැදින් විය හැකිය.

බුදුන් වහන්සේ යනු නිර්මානවාදී දෙවියෙකු හෝ එවැනි අයෙකුගේ අනුගාමිකයකු නොවේ. උන්වහන්සේ ස්වොත්සාහයෙන්ම සංසාර විමුක්තිය එලි පෙහෙලි කරගත් ශාස්තෲ වරයෙකි. අනෙකුත් සියලුම ආගම්වල පාහේ එම ආගමික දර්ශනය දේශනා කරන ලද ප්‍රධාන දේශකයාගේ මුල් ගුරුවරයා හෙවත් මූලය දෙවියන්ය.. එනිසා ඒ උතුමන්ද කවරකුගේ හෝ ශ්‍රාවක අනුගාමිකයන් මිස ශාස්තෲ වරුන් නොවේ. අනෙකුත් ආගමික නායකයන් හා බුදුන් වහන්සේගේ අතර ඇති මූලිකම වෙනසකි එය. බුදුන් වහන්සේ ශාස්තෲවරයකු ලෙස අපි ගරුකරන්නේද ඒ නිසාය. එසේම බුදුන් වහන්සේ යනු සියලු කෙලෙසුන් ප්‍රහීන කල අයෙකි.. එවැනි ශාස්තෲවරයන් වහන්සේ නමක් කෙළෙසුන්ගෙන් යක්ත වූ පිරිසක් අතර සමතැන් ගැන්වීම නම් බෞද්ධයකුට කරනවා තබා සිතියවත් හැකි කාරණයක් නොවේ.... එසේ නම් සියලුම ආගම් එකය කියන සර්වාගමික නිකායේ භික්ෂූන්ට අනුව බුදුන් වහන්සේත්, මුහම්මද් නබි තුමාත් එකය... බුදු දහමත්, කිතු දහමත්, ඉස්ලාමයත් එකය...

"අසාරේ සාරමතිනෝ සාරේ චාසාරදස්සිනෝ
තේ සාරං නාධිගච්ජන්ති මිච්ඡාසංකප්පගෝචරා"

"නිසරු දේ සරු ලෙසත් සරු දේ නිසරු ලෙසත් දකින පුද්ගලයා සරු දෙයක් නොලබත්"

සරු දෙය සරු ලෙස දකිමින් නිසරු දෙය බැහැර කරනා ලෙස බුදුන් වහන්සේ වදාළා මිසක හැම ආගමකටම ගරු කරන්න, හැම ආගමක්ම කර තබාගෙන දුවන්නැයි කිසි විටද දේශනා කර නැත. එහෙත් මෙකී සර්වාගමික නිකායිකයින් අහිංසක සිංහල බෞද්ධයින් රැවටීම සදහා බුද්ධ දේශනයද කණපිට හරවා රීමික්ස් කර දේශනා කරති.

තිලෝගුරු බුදුපියාණන් වහන්සේ විසින් "නිර්මානවාදී දේව සංකල්පය" දැඩිලෙසම ප්‍රතික්ෂේප කර ඇත. (දීඝ නිකායේ_ බ්‍රහ්මජාල සූත්‍රය වැනි සූත්‍ර දේශනා වල මෙය පැහැදිලිවම අඩංගු වේ) එසේනම් බුදුන් වහන්සේ විසින් දැඩි ලෙස ප්‍රතික්ෂේප කරන ලද සංකල්ප පසුපස්සේ බුදුන් සරණ ගිය සැබෑ බෞද්ධයන්ට දිවිය හැකිද? එවැනි අය බොඩ් ලෑල්ලට පමණක් සීමා වූ බෞද්ධයන් නොවේද? බුදුන් වහන්සේ හා දේව සංකල්ප සම තැන ලා සලකන ඔවුන් බුදු දහමට කරන්නේ බරපතල නිගාවක් බව පැහැදිලියි නොවන්නේද?

වසර දහස් ගණනක බුදු දහමේ ආලෝකයෙන් සාමුහිකත්වය, සහජීවනය වැනි උතුම් ගුණ ධර්ම ප්‍රගුණ කර ඇති බෞද්ධයාට ආගමික සහජීවනය (Religious Co-existence) පිළිබද නැවත නැවත ඉගැන්විය යුතු නොවේ. සිංහලයින් තුළ බෞද්ධයින් තුළ එවන් ආගමික සහජීවනයක් නොතිබුණි නම් දළදා මාලිගාව අසල මුසල්මානු ඇදහීම් ස්ථාන පවත්වාගෙන යන්නේ කසේදැයි ප්‍රශ්න කළ යුතුය. පෞරාණික බොදු සිද්ධස්ථාන වනසා ඒ මත ඉදිකළ කිතුණු පල්ලි අධිරදවාදීන් මේ රට හැර ගිය පසු පවා අද දක්වාත් නිරූපද්‍රිතව පවතින්නේ කෙසේදැයි ප්‍රශ්න කළ යුතුය. එම නිසා ආගමික සහජීවනය මුවාවෙන් බෞද්ධකම වනසන අමුතු සංකල්ප බෞද්ධයින්ට අවශ්‍ය නැත.

මේ සියලුම සිදුවීම් වලින් අන්තිමට විනාශ වන්නේ සිංහල බෞද්ධයාය. අවසානයේ බිහිවන්නේ ආගමක්, ජාතියක්, ජන්මයක් නැති ගෝත්‍රිකයන් පිරිසකි. තමන් සිංහලද, බෞද්ධද, නැත්නම් සර්වජාතිද සර්වාගමිකද කියා ‍ඔවුන්ට ‍ඔවුන්වත් හදුනාගත නොහැකි වනු ඇත. සර්වාගමික සංකල්පය නමින් දියත් වන්නේ සිංහල බෞද්ධ සමාජය ඒ බිහිසුනු ආගාධයට ඇද දැමීමේ කුමන්ත්‍රණයයි. සහජීවනය මුවාවෙන් මේ එල්ල වෙමින් පවතින්නේ බුදු දහමටත් සිංහල ජාතියටත් එරෙහිව දියත්වන දැවැන්තම ප්‍රහාර වලින් එකකි. ඔබ බුදුන් සරණ ගිය සැබෑම බෞද්ධයකු නම්. බුදු දහමේ උන්නතිය වෙනුවෙන්, ආගමික සහජීවනය නැමති ලේබලයෙන් ඔතා දෙන අන්‍යාගම් අතර බුද්ධාගම දියකර හරින "සර්වාගමික සංකල්පය" නැමති බොදු විරෝධී ව්‍යාජ සංකල්පයට දැඩි ලෙස එරෙහි වීමත් සර්වාගමික මායාවට රැවටී තව තවත් අන්ධකාරයට යන බොදුනුවන් දැනුවත් කිරීමත් ඔබේ යුතුකමයි.

පූර්ව සටහන උපුටා ගැනීම - සොරි ඩොට් කොම් ෆේස්බුක් ජාලය.
Read more ...

ගම්පොල රාජධානියත් පාවා දුන් දේශපාලන කුඩ්ඩෝ

ලක්දිව රාජාවලියේ සුවිශේෂී මග සළකුණු රැසක් සනිටුහන් වූ ගම්පොල රාජධානිය මේ වනවිටත් සිංහලයන්ට අහිමිවෙමින් පවතී. අතීතයේ ගංගාශ්‍රීපුර නමින් හැදින් වූ රාජධානියේ ප්‍රධාන නගරය වූ මහවැලි ඉවුර අසබඩ පිහිටි මධ්‍යම පළාතේ ප්‍රධාන වාණිජ නගරයක් වූ ගම්පොල නගරය සම්පූර්ණයෙන්ම මුස්ලිම් ජාතිකයන් විසින් අත්පත් කරගෙන අවසානය. 1950 දශකයේ ගම්පොල නගරයේ වෙළදාම් 100%ක්ම පැවතුනේ සිංහල වෙළදුන් අතයි. කුළුබඩු වෙළදාම සදහා පැමිණි මුස්ලිම් ජාතික වෙළදුන් තුන් දෙනෙකුගෙන් ආරම්භ වූ මුස්ලිම්කරණය අද වන විට නගරයේ වෙළද අධිපත්ය 90%කටත් වඩා අත්පත් කරගැනීමට තරම් වර්ධනය වී ඇති පසුබිමක සුළුතර සිංහල වෙළදුන් දැඩි ලෙස අපහසුතාවට හා අසාධාරණයට ලක්ව ඇත.

කප්පම් කල්ලිවලින් හා මුස්ලිම් ජාතිකයන්ගෙන් එල්ල වන පීඩනයට එරෙහිව සුළුතර සිංහලයන් වෙනුවෙන් නිර්භයව පෙනී සිටි "තගරියකු ලෙස ඇතැමුන් හැදින්වූ" එක්තරා පුද්ගලයකු මීට වසර කිහිපයකට පෙර අභිරහස් ලෙස මරා දැමුණු අතර එම ඝාතනයට සම්බන්ධ වූ කුඩු කප්පිත්තෙකු ලෙස නම් දැරූ කලින් එජාප රජයේ හා දැන් සන්ධාන රජයේ ඇමතිකමක් දරන ගම්පොල ප්‍රසිද්ධ මුස්ලිම් දේශපාලකයා ගැන දන්නෝ දනිති. මේ ලෙස තමන්ට එරෙහිව නැගී සිටින සියළුම බලවේග මර්ධනය කරමින් සමස්ථ ගම්පොල නගරයේම ආධිපත්‍ය පැතිරවීමට මුස්ලිම් බලවේග කටයුතු කර ඇත. ගම්පොල නගරයේ තත්වය මෙසේ වෙත්දී අවට ප්‍රදේශවල ද තත්වය මීට දෙවෙනි නොවේ. දවුලගල, වෙළම්බොඩ, ගෙලිඔය ඇතුළු සීඝ්‍රලෙස මුස්ලිම්කරණයට ලක්ව ඇති ප්‍රදේශවල වල කුඩු ජාවාරම, හොර හරක් ජාවාරම, කසල තේ ජාවාරම ඇතුළු සියළු හොර ජාවාරම් යහමින් සිදුවන ජාවාරම්කරුවන්ගේ රජදහන් බවට පත්ව ඇත. ඇතැම් අවස්ථාවලදී පොලිස් අන පවා නොතකන තරමට මුසල්මානු ජාවාරම්කරුවන් බලවත් වී ඇත. (දවුලගල දී කසල තේ ජාවාරම්කරුවන් ඇල්ලීමට ගිය පොලිස් ජීප් රථය ගිනි තැබීම)

මේ සියල්ලටම වග කිවයුත්තේ කවුද? තට්ටුමාරුවට ප්‍රදේශය පාලනය කළ අවස්ථාවාදී දෙස්පාලකයන් සහ තුට්ටුදෙකට තමන්ගේ නිජ භූමිය පරහට විකුණාදැමූ සිංහලයන්මය. එයිනුත් වසර පනහක් තිස්සේ ගම්පොල තමන්ගේ නිළ නොලත් රාජ්‍යයැයි සිතා සිටින කුඩු ජාවාරම්කරුවන්ගේ පිට කසන දේශපාලුකයා හා ඔහුගේ හෙන්චයියන්ය. තමන්ගේ දේශපාලන පැවැත්ම වෙනුවෙන් ජාතියේ අනාගතයත් පාවා දෙමින් ගම්පොල රාජධානිය මුසල්මානුවන්ට පවරා දුන් මොවුන් රාජකීය උරුමයද මහ දවාලේ මංකොල්ල කමින් මිළ කළ නොහැකි අම්බුළුවාව ජෛව විවිධත්ව රක්ෂිතයට කර ඇති සහගහන ජාතික අපරාධය ගැන අපි අමුතුවෙන් සදහන් කළ යුතු නැත. අම්බුළුවාව කදු මුදුනේ වැඩ සිටි බුදු පිළිම වහන්සේද පෙරළා දමා එතැන ගොවි සෑය නම් වූ බහුබූතයකුත් සර්වාගමික ගුබ්බෑයමකුත් ඇටවූයේ මෙකී දේශපාලකයාගේ සර්වාගමික රුදාව සමනය කරගැනීමට පමණක්ම නොව බුවනෙකබාහු රජුන්ගේ නිදන් වදුල කොල්ලකෑමට බවද නොදන්නෝ නොවෙති.

දිනෙන් දිනම කුඩ්ඩන්ගේ හා අන්‍යජාතියක්ගේ පාරාදීසයක් වන ගම්පොල නගරය බේරාදෙන්නැයි ඉල්ලමින් පූජ්‍ය උනන්විටියේ ශාන්තභද්‍රහිමියන් ආරක්ෂක ලේකම් ගෝඨාභය රාජපක්ෂ මහතාට ලිපියක් යොමු කර තිබිණි. පහත දැක්වෙන්නේ 2013.12.26 මව්බිම පුවත්පතේ පලවූ ඒ සම්බන්ධ පුවතයි.

ගම්පොළ පොලිසිය හා උසාවිය නගර මධ්‍යයෙන් ඉවත්කර මහවැලි ගඟෙන් එගොඩ පිහිටි මහර ප්‍රදේශයට ගෙන ගොස් එම ඉඩම කුඩු ජාවාරමේ මූලිකයකුට ලබාදී කෝටි ගණනක සන්තෝසම් ලබාගැනීමේ ප්‍රයත්නයක ප්‍රදේශයේ දේශපාලනඥයන් දෙදෙනකු උත්සාහයක යෙදී සිටින බව උනන්විටියේ ශාන්තභද්‍ර හිමි (අම්බුළුවාවේ හාමුදුරුවෝ) ආරක්‍ෂක ලේකම් ගෝඨාභය රාජපක්‍ෂ මහතා වෙත ලිපියක් යවමින් දන්වා ඇත.

උන්වහන්සේ ලිපියෙන් ආරක්‍ෂක ලේකම්වරයාට පෙන්වා දෙන්නේ මේ ක්‍රියාවට ඉඩ දුනහොත් ගම්පොළ ජාතියම විනාශ වී යනු ඇති බවයි. සිංහල රාජාවලියේ රජවරුන් හයදෙනකු පමණ රජකම් කළ මේ රාජධානිය වත්මන් යුගය වනවිට අපගේ බලය සියයට දහයක්වත් නොමැති තත්ත්වයට වත්මන් දේශපාලනඥයන් පත්කර ඇති බවද ගම්පොළ හදවත වැනි දුම්රිය ස්ථානය අසල පිහිටි විශාල කුඹුරු ඉඩම පොදු අවශ්‍යතාවකට පවරා නොගෙන ප්‍රදේශයේ දේශපාලනඥයන් දෙදෙනකු එකතුවී එය ගම්පොළට පිළිලයක් බවට පත්ව ඇති පුද්ගලයකුට මිලට ගැනීමට කටයුතු කර ඔහුගෙන් විශාල කොමිස් මුදලක් ලබාගෙන ඇති බවද, උන්වහන්සේ ආරක්‍ෂක ලේකම්වරයාට යවා ඇති ලිපියේ සඳහන් වෙයි.

ජාතික උරුමය රැකීමේ මධ්‍යස්ථානය නමින් බෝඩ් සවිකරගෙන මහර වෙල්යාය ගොඩකරමින් මේ දේශපාලනඥයන් ජාතියම වනසන බවද එම ලිපිය මඟින් පෙන්වා දී තිබේ.

ගම්පොළ පිළිබඳ සැබෑ තත්ත්වය දන්නේ දිවියෙන් වැඩිසරිසක් ගෙවා අදත් එහි ජීවත්වන තමන් වහන්සේ බවද අමු අමුවේ ජාතිය වනසන දේශපාලනඥයන් සුදනන් කිරීමට කතාකරන හාමුදුරුවරු වන්දිභට්ට කතා කියන්නේ ඔවුන්ගෙන් වාසියක් ගැනීමට මිස රටට ආදරයෙන් නොවන බවද අම්බුළුවාවේ හාමුදුරුවෝ එම ලිපියෙහි දක්වා ඇත.

මේ ජාතික විපත ගැන රටට හඬ නඟා කී ඕමල්පේ සෝභිත මාහිමියන්ට ජාතියේ ප්‍රණාමය හිමිවිය යුතු යැයිද, ගම්පොළ ජාතිවාදී විනාශයෙන් බේරාගැනීමට පොලිසිය හා උසාවි ගොඩනැඟිල්ල පිහිටි බිම් ප්‍රදේශ රජයට පවරාගෙන එම ප්‍රදේශය සංවර්ධනය කිරීමට පියවර ගන්නා ලෙසද උන්වහන්සේ සිය ලිපිය මඟින් ආරක්‍ෂක ලේකම්වරයාගෙන් ඉල්ලීමක් කර තිබේ.
Read more ...

කතෝලික සභාවේ බෙදුම්වාදී නිරුවත

පසුගිය දෙසැම්බර් 8 දාතමින් ශ්‍රී ලංකා කතෝලික රදගුරු සම්මේලනය විසින් ප්‍රකාශයට පත් කරන ලද එඬේරික අනුශාසනා පත්‍රය නම් ලියවිල්ලේ මාතෘකාව ලෙස සඳහන්ව ඇත්තේ ‘අප දේශය සමගි සංධානය තුළින් යළි ගොඩ නැංවීමක් කරා’ යන තේමාවයි. නත්තල් සමය අභියස සහෝදර කතෝලික ජනයා ඉතා සාමකාමී ලෙස නත්තල සමරන අතරතුර ඊට හාත්පසින්ව වෙනස් ස්ථාවරයක සිට සිදුකරන කතෝලික සභාවේ මේ ප්‍රකාශය නම් සමගි සංධානය ගොඩ නැගීම කෙසේ වෙතත් ජාතීන් අතර බෙදුම්වාදයත් අසමගියත් එකිනෙකා තුළ දුරස්ථභාවය තව දුරටත් වර්ධනය කරන දිශාවට යොමු කරවන ලියවිල්ලක් බව එය විමසිල්ලෙන් නිරීක්ෂණය කරන විට පෙනෙන කරුණකි. කතෝලික රදගුරු සභාවේ මේ මුග්ධ ස්ථාවරය අපගේ කතෝලික හිතවතුන් බොහෝ දෙනා අනුමත නොකරන බවට සැක නැත. ත්‍රස්තවාදී අනතුරෙන් බැටකෑ පසුගිය තිස් වසර පුරාවටම කතෝලික රදගුරුවරුන් බොහෝ දෙනා දැරූ ස්ථාවරය මෙයට වඩා වෙනස් නොවූ බව අපට මතකය. නමුත් ත්‍රස්තවාදය යුධමය වශයෙන් පරාජය කර සිව් වසරකට පසුත් නිර්මාණය වී ඇති අලුත් වටපිටාව තුළදීත් සුපුරුදු ස්ථාවරය බිඳකුද වෙනස් නොකර පරණ තැටිය එලෙසම නැවතත් වාදනය කිරීම එඬේරික ප්‍රකාශනයේ මාතෘකාවේ සඳහන් සමගි සමාදානය ඇති කිරීමට නම් කිසිඳු අනුබලයක් නොලැබෙන බව පැහැදිලිය.

ත්‍රස්තවාදයට එරෙහි සටන පැවති කාලය මොවුන්ගේ මේ ස්ථාවරය බාහිර සමාජයට හොඳින් දැක ගැනීමට ලැබුනු අවස්ථාවකි. නමුත් වෙනස ඇත්තේ එකල එය සමාජගත කළේ කතෝලික සභාවේ නිල මතය ලෙස නොවේ. යම් යම් පූජකයන් හරහා හුදකලා මතයන් ලෙසයි. විශේෂයෙන් මේ විවාදිත එඬේර ප්‍රකාශනයටද අත්සන යොදා ඇති රායප්පු ජෝසප් මන්නාරම රදගුරුවරයාගේ ක්‍රියා කලාපය කොටි දේශපාලන අංශයටත් එහා යමින් කොටි සන්නද්ධ අංශයේ තවත් බලඇණියක් යැයි සිතෙන තරමට අලජ්ජී විය. ශුද්ධ වූ මඩු දේව ප්‍රතිමාව පවා ඒ දෝහී ත්‍රස්ත උවමනාව වෙනුවෙන් භාවිතා කිරීමට තරම් එකල මන්නාරම රදගුරුතුමා පසුබට නොවීය . එතකඳුද නොවේ , පසුගිය වසරේ ජිනීවා මානව හිමිකම් සමුළුව හමුවේ ශ්‍රී ලංකාවට එරෙහිව යුධ අපරාධ චෝදනා යටතේ දඬුවම් දිය යුතු යැයි ඉල්ලීමක් කළේද මේ රායප්පු ජෝසප් රදගුරුතුමා ඇතුළු පූජකවරුන් 31 දෙනෙකි. නමුත් මේ පූජකවරු කණ්ඩායමම දෙමළ ජාතිකයන් බවත් , එය ඔවුන්ගේ පෞද්ගලික මතය මිස කතෝලික සභාවේ නිල මතය නොවන බව ඇඟවීමට එකල සමහරුන් උත්සාහ කළහ. මැල්කම් රංජිත් අගරදගුරුවරයා එකල එසේ හැඟෙන පරිදි ජිනීවා සමුළුව පිළිබඳ ප්‍රකාශයක් නිකුත් කළ බවද අපට මතකය. එකල පිටතට පෙනුනේ රායප්පු ජෝසප් රදගුරුතුමා කතෝලික සභාවද ඉක්මවා යමින් හිතුවක්කාර ලෙස කටයුතු කරන බවකි. නමුත් දැන් නිකුත්ව ඇති මේ ‘එඬේරික ප්‍රකාශයෙන්’ එය කෙතරම් සදොස් නිගමනයක් ද යන්නත් කතෝලික සභාවේ හැසිරීම බෙදුම්වාදය ශක්තිමත් කිරීමේ දිශානතියට කෙතරම් උපකාරී වන්නේද යන්නත් හොඳින්ම පැහැදිලි වේ.

ආගමික සභාවක් විවේචනය කිරීමට අප සතුටු නැත. ඒ අපගේ සහෝදර කතෝලික බැතිමතුන්ගේ සිත් කම්පාවේය යන කණගටුව නිසාය. එහෙත් කතෝලික සභාව තමන්ගේ සීමාව ඉක්මවා බොහෝ දුර ගොස් ඇති නිසා සාමය වෙනුවෙන් දිවි පිදු දස දහස් ගණනක් රණ විරුවන්ගේ රුධිරයට ඇති ණයගැති භාවය වෙනුවෙන් හා අනාගතයට ගිනි තැබීම වළක්වා ගැනීමේ යුතුකම ඉටු කිරීමට අකමැත්තෙන් වුවත් සිදු වී ඇත. මෙමගින් කතෝලික සහෝදරයන්ට කිසියම් සිත් තැවුලක් ඇති වේ නම් අප ඒ ගැන කණගාටුව ප්‍රකාශ කරන අතරම කතෝලික රදගුරු සභාවේ මේ අසාධාරණ ආධානග්‍රාහී හැසිරීම ප්‍රශ්න කළ යුත්තේ සැබවින්ම අප නොව ඔබ විසින්ම බව අපි විස්වාස කරන්නෙමු. ඔබ විසින්ම රදගුරු සම්මේලනයේ මුසාවන් ප්‍රශ්න කරනවා නම් අපි පැත්තකට වී සිටීම ඉතා කැමැත්තෙන් තෝරා ගන්නෙමු.

සිංහලත්වය බලෙන් පැටවීද ?

එඬේරික ප්‍රකාශනයේ 6 වැනි පිටේ එක් තැනක මෙලෙස සඳහන් වේ.
“අනෙකුත් සුළු ජාතීන්ගේ සංස්කෘතීන් මත සිංහල භාෂාවේ සහ සංස්කෘතියේ ආභාෂය පැටවීම හේතුකොට ගෙන ජාතික එක්සත් කම බිඳ වැටීමක් සිදුවිය. මේ සියල්ලේම කණගාටුදායක ප්‍රතිඵලය වුයේ, මිනිස් ජීවිත දහස් ගණනක් අහිමි කළ, දේපල විනාශ කළ, සම්පූර්ණ ජන සමාජයක් අවතැන් කළ, ආර්ථිකය එක තැන පල් වීමට සැලැස් වූ, අර්ථ විරහිත යුද්ධයක් වෙනුවෙන් රටේ සම්පත් විශාල ප්‍රමාණයක් නාස්ති කළ, ප්‍රචණ්ඩ අර්බුදයකි”

මේ ප්‍රකාශයේ බරපතල කෲරභාවය ලෝගුවෙන් සඟවා ගත නොහැක. සිංහලයන් සිය සංස්කෘතිය බලෙන් පටවා ඇත්තේ කා මතද? රදගුරු සම්මේලනය කිසිදු සාක්ෂියකින්, කරුණූ දැක්වීමකින්, හා තර්කයකින් තොරව මෙවැනි සාහසික නිගමනයකට නිකම්ම එළැඹෙන්නේ දෙවියන් වහන්සේගේ කැමැත්ත පරිදි නම් විය නොහැක. එකට ජීවත්විමේදි අපි සියළු ජනවර්ගයන්ගේ සංස්කෘතීන්ගෙන් ආභාෂය ලබා ගනිමු. සිංහලයන්ද දෙමළ සංස්කෘතියේ හා භාෂාවේ ආභාෂය ලැබූ තැන් බොහෝය. එය ස්වභාවිකය. අනෙක් සංස්කෘතීන් බලෙන් පැටවීම එතරම් වේදනාවක් නම් තමන් ලෝගු ඇද සිටින්නේ කෙසේදැයි අපි නොඅසා සිටින්නේ කෙසේද?

රදගුරු සම්මේලනයේ අත්සනින් මේ කියන්නේ 40 දශකයේ චෙල්වනායගම්ලා විසින් අධිරාජ්‍යවාදීන්ගෙන් ලද උත්තේජනය හරහා උඩට ගන්නා ලද එතැන් පටන් දෙමළ බෙදුම්වාදීන් කර තබාගෙන පැමිණ ප්‍රභාකරන්ට භාරදුන් හන මිටියම නොවේද? ජාතික එක්සත්කම බිඳ වැටුනේ වෙනකක් නිසා නොව අධිරාජ්‍යවාදීන් විසින් ඇති දැඩි කර පෝෂණය කරන ලද දෙමළ බෙදුම්වාදී ජාතිවාදය නිසාය යන්න සාම වෙළඳුන්ට නොතේරෙන සරල සත්‍යයයි. සර්වජන ඡන්ද බලයත් සමග මධ්‍යය තුළ තමන් අධිරාජ්‍ය අනුග්‍රහය මත බුක්තිවිඳි අසමමිතික බලය ගිලිහෙන බව කල් තියා දුටු චෙල්වනායගම්ලා ප්‍රමුඛ දෙමළ ජාතිවාදයේ සීයලා දෙමළ රාජ්‍ය පක්ෂය පිහිටවූයේ දැන් ටිකක් පසුව හුඟක් යන බලය අත් පත් කර කරගැනීමේ සූත්‍රයද හඳුන්වාදෙමිනි. මැල්කම් රංජිත් පියතුමා ප්‍රමුඛ කතෝලික රදගුරු සභාව මේ උත්සාහ කරන්නේ දෙමළ ජාතිවාදයේ වැරැද්ද සඟවා ඒ හරහා දෙමළ ජාතිවාදෙයෙන් උපන් ත්‍රස්තවාදය නිසා සිදු වූ සියලු විනාශයන්ගේ පව් සිංහලයන් මත පටවා අත් සෝදා ගැනීමටය. එසේම ඒ හරහා ලබන ජිනීවා සමුළුවේදී ශ්‍රී ලංකාවට එරෙහිව බටහිර අභිලාෂ මත ක්‍රියාත්මක මෙහෙයුම සාධාරණීකරණය කිරීමද මේ එඬේරික ප්‍රකාශනය හරහා අපූරුවට සිදුවෙයි.එය ඉදිරි මාස කිහිපය තුළදී හොඳින් පැහැදිලි වනු ඇත.

පරාජිත බලය බෙදීම නැවත වටයකින් පෙරට ගෙන ඒම

එඬේරික ප්‍රකාශනයේ තවත් තැනක මෙලෙස සඳහන් වේ.
“යුද්ධය විසින් LTTE යේ භීෂණකාරී ක්‍රියාකාරකම් අවසන් කරනු ලැබුව ද උතුරේ ද්‍රවිඩ ජන සමාජය මුහුණ දුන් ගැටලූවලට සෑහීමකට පත්විය හැකි දේශපාලන විසඳුමක් ලැබී නැති නිසා දිගටම අසහනකාරී හැඟීමක් කැකෑරෙමින් පවතින්නේය යන්න අපගේ මතයයි.උතුරු සහ නැගෙනහිර ද්‍රවිඩ ජනතාවට බලපාන ගැටලූ වලට දේශපාලනිකව පිළිගත හැකි, නමුත් ක්‍රියාත්මක කළ හැකි විසඳුමක් සොයා ගැනීම පිණිස, රජය කල් දැමීමකින් තොරව එම ප්‍ර දේශ වල ද්‍රවිඩ දේශපාලන පක්ෂ සමග සංවාදයක් ආරම්භ කළ යුතුය. එම විසඳුම පළාත්වලට ඵලදායී සහ ශක්තිමත් බලය බෙදීමක් මත පදනම් විය යුතුය යන්න අපගේ හැඟීමයි. “

යුද්ධයෙන් පසු උතුරේ ජනතාව දේශපාලන විසඳුමක් නැති නිසා අසහනකාරීව සිටින්නේ යැයි රදගුරු සම්මේලනය පවසන්නේම උතුරේ සාමාන්‍ය දෙමළ මිනිසුන්ගෙන් වචනයක් හෝ විමසාද ? එසේත් නැත්නම් දෙමළ ප්‍රභූ දේශපාලන පැලැන්තිය ඉල්ලන ඊනියා බලය බෙදීම නොලැබුන නිසාද ?

බලය බෙදීම යන මතය මෙරට දේශපාලනය තුළ වාර ගණනාවකදී තීරණාත්මකව පරාජය කර ඇති අද වන විට දර හැවක් බවට පත්ව ඇති පරාජිත මතවාදයකි . එසේ වුවත් වරින් වර එය නැවත කතා බහට ලක් වන්නේ බටහිර අධිරාජ්‍යවාදී බලය ඒ වෙනුවෙන් යොදන ඉමහත් ශක්තිය නිසයි. මේ බටහිර ත්‍රාඩ බලය නොවන්නට ‘බලය බෙදමු’ යන මතය මිය ගොස් එතැන ගසුත් පැලවී හමාරය. ‘රට නොබෙදමු – බලය බෙදමු ‘ යැයි බෝඩ් ලෑල්ල දමාගෙන බෙදුම්වාදය දෙසට එකල දක්කාගෙන ගිය ගිය තවලමට අද නැවතත් පණ දීම තුලින් සිදුවන්නේ දහස් ගණන් විරුවන් දිවි දී ලබාගත් නිදහස දේශපාලන කෛරාටිකයන්ට පාවාදීම හැර වෙනකක් නොවේ. එබැවින් උතුරේ දකුණේ කොයි පසත් සිංහල දෙමළ මුස්ලිම් සාමාන්‍ය ජනයාට ඇති ජීවන ගැටළු විසඳන මඟක් සොයනු වෙනුවට බලය බෙදීමක් පිළිබඳ මොර දෙන්නේ යළි බෙදුම්වාදය පැල කර ඒ හරහා ඵල නෙලීමට බලා සිටින කෛරාටිකයන් පමණකි. කිලිනොච්චියේ සෙල්ලදොරෙයිට මෙන්ම වැල්ලවත්තේ වේලායුදන්ට ඇති ජීවිකාව සරි කරගැනීමේ ගැටලුව හෝ තමන්ගේ භාෂාවෙන් රාජකාරියක් කරගත නොහැකි වීමේ ගැටලුව ට විසඳුම් දෙනු විනා විග්නේෂ්වරන්ලාට හෝ ශ්‍රී ධරන්ලාට බලතල දීමෙන් ජාතික එක්සත් කම ඇති වේ යැයි පැවසිය හැක්කේ එවැනි කෛරාටිකයන්ටම පමණි.

බෙදුම්වාදය වෙනුවෙන්?

වෙනම රටක් වෙනුවෙන් ඉල්ලීමකට මූලිකම අවශ්‍යතාවය වන්නේ ජාතියක් සඳහා වෙන් වූ සුවිසේෂී නිශ්චිත භූමියක්‌ පැවතීමයි. එම කොන්දේසියට එම භූමියේ නිශ්චිත ජනතාවක්‌ ජීවත්වීම, වෙනම ආර්ථිකයක්‌ පැවතීම , ස්‌වාධිපත්‍යය පැවතීම යන කරුණු කාරණා එක්‌වූ විට වෙනම රාජ්‍යයක් සඳහා සපුරාලිය යුතු අවශ්‍යතා සම්පූර්ණ වේ. දෙමළ ජාතිවාදය මතු වූ චෙල්වනායගම් යුගයේ සිට ප්‍රභාකරන් දක්වා සියලු බෙදුම්වාදීන් උතුර හා නැගෙනහිර පළාත් දෙමළ කතා කරන ජනතාවගේ නිජ බිම යැයි හඳුන්වා ගත්තේ එබැවිනි. තිම්පු සාකච්චාවේ ඉල්ලූ මූලික ඉල්ලීම් වලින් එකක් වූයේද මේ නිජබිම් අයිතිය පිළි ගැනීමයි.ජේ ආර් ජයවර්ධන ආණ්ඩුව පවා එකල එය ප්‍රතික්ෂේප කළ නමුත් පසුව ඉන්දීයාව විසින් දෑත් පසුපසට බැඳ බලහත්කාරයෙන් අත්සන් කරවාගත් ඉන්දු ලංකා ගිවිසුමේද සාම්ප්‍රදායික වාසභූමි ලෙස හඳුන්වා ගත්තේ මෙයයි. මේ වාසභූමි කතන්දරය එන්නේ උතුරේ අහිංසක දෙමළ මිනිහාට එයින් ලැබෙන යමක් නිසා නොවේ. දෙමළ ජාතිවාදයට තම වෙනම රාජ්‍ය පිපාසය සංසිඳවාගැනීමට අවශ්‍ය මූලික ප්‍රවාදය සකසා ගත හැකි වන්නේ ඒ කොන්දේසිය උඩ පමණක් බැවිනි.වෙනම රාජ්‍යයක් බිහි කර ගැනීම සඳහා අවශ්‍ය මෙම නිජබිම් සංකල්පය එඬේරික ප්‍රකාශනයේ තවත් තැනක මෙලෙස සඳහන් වේ.

“කිසියම් ප්‍රදේශයක් තමන්ගේ සාම්ප්‍රදායික වාස භූමිය යැයි යමෙකු කියා සිටින්නේ නම් එහි ද කිසිදු වරදක් නැත.උතුර සහ නැගෙනහිර දෙමළ ජනතාවගේ සාම්ප්‍රදායික වාස භූමිය ලෙස පිළිගත හැකි ලෙස සැලකීම සහ මෙම ප්‍රදේශ වල පරිපාලනය ඔවුන්ගේම නායකයින් විසින් ප්‍රජාතන්ත්‍රවාදී ව්‍යුහයක් මගින් සිදු කිරීම සාමයට සහ අනුකලනයට හෝ එක්සත් කමට බාධාවක් ලෙස සැලකීම අනවශ්‍ය යැයි අපි සිතමු. “

කිසිඳු බාහිර ඓතිහාසික සාධකයක් නොසලකා කිසිවෙකු යම් කිසි ප්‍රදේශයක් තමන්ගේ සාම්ප්‍රදායික වාසභූමි , එසේත් නැත්නම් නිජබිම් ලෙස හඳුන්වා ගැනීම කිසිඳු වරදක් නැතැයි තීරණය කිරීමට මැල්කම් රංජිත් අගරදගුරුවරයා ප්‍රමුඛ රදගුරු සම්මේලනයට බලය ලැබුනේ දෙවියන් වහන්සේගෙන්ද? ඓතිහාසික සාධක කිසිවක් නොසලකා පමණක් නොව මෑත කාලයේ පවා ත්‍රස්තවාදී දඬු අඬුවට හසු කරගෙන වසර 30 ක් පුරා කොටි සංවිදානය විසින් වාර්ගික ශුද්ධයක් කිරීමෙන් පසු තත්වය එලෙසම භාරගනිමින් රදගුරු සම්මේලනය මේ නිරුවත්ව පෙනී සිටින්නේ බෙදුම්වාදය වෙනුවෙන් මිස වනෙකකට නොවන බව තවදුරටත් සැඟවිය හැකි නොවේ. මේ එඬේරික ප්‍රකාශනයේ ජනපදකරණය සහ ජන ව්‍යුහය වෙනස් කිරීම පිලිබඳ තිබෙන සටහනයි.
” සිංහල, දෙමළ හෝ මුස්ලිම් ජන කණ්ඩායම් තුළ වේදනාවේ සහ කෝපයේ හැඟීමක් ඇති කිරීමට හේතු කාරක වන්නේ අන්‍යයන් විසින් රාජ්‍ය අනුග‍්‍රහය යටතේ හෝ සංවිධානාත්මකව හෝ ජනපද පිහිටුවීම මගින් කුමන හෝ ප්‍රදේශයක වාර්ගීක ජන ව්‍යුහය සැලකිය යුතු අයුරින් වෙනස් කිරීමට දරනු ලබන උත්සහය නිසාය. අවාසනාවකට ආරක්ෂක හමුදාවේ සෙබලූන් විශාල ප්‍රමාණයක් රැඳී සිටීම මගින් ද, ආරක්ෂක හමුදා පවුල් හා අනෙක් අය සඳහා නිවාස ගොඩනැගීම සිදුවේය යන බිය නිසා ද, උතුරේ යම් අස්ථාවර බවක් පවතින බව පෙනෙන්නට තිබේ. මෙය මුළුමනින් ම අනවශ්‍ය දෙයකි. “

නිජබිම් අයිතිය පෙන්වීමට උතුර හා නැගෙනහිර පෙදෙස්වල සිටි සිංහලයන් සහ මුස්ලිම් ජාතිකයන් කොතෙක් නම් ප්‍රභාකරන්ගේ ලේ පිපාසයට හසු වන්නට ඇත්ද? උතුරෙන් සිංහලයන් පළවාහැරියේ වාර්ගික ජන ව්‍යුහය වෙනස් කිරීමට නොවේද? එකල කතෝලික සභාව අඳ ගොළු බිහිරිව සිටියේද? අදද අවතැන්ව සිටින උතුරෙන් පළවා හැරි දෙමළ නොවන්නන් පිළිබඳ වචනයක් හෝ සඳහන් කිරීමට එඬේරික ප්‍රකාශනයට අමතක වූයේ කෙසේද? සංහිදියාව ඇති කිරීමේ මග මේ යැයි පවසමින් එක් කොටසක් සම්පූර්ණයෙන් අයින් කර දමා තමන්ගේ අභිලාෂ සම්පූර්ණ වන පාර්ශවය වෙනුවෙන් පමණක් නග්නව පෙනී සිටීමෙන් ඇති වන සංහිදියාවක් නැත. උතුරේ පමණක් නොව රට පුරාම ජනපද පිහිටවීම මෙන්ම ඒ කුමන පදනමකින්ද යන්න තිරණය කරන්නේ එඬේරික ප්‍රකාශනයෙන් නොවන බව පමණක් මතක් කරමු.

ත‍්‍රස්තවාදීන්ට බැඳි තවදුරටත් සැඟවිය නොහැකි පෙම..

එඬේරික ප්‍රකාශනයෙන්

“උතුරු සහ නැගෙනහිර පළාත් සඳහා සිවිල් ආණ්ඩුකාරවරුන් පත් කර මේ ප්‍රදේශ වල දිවි ගෙවන ජනයාට අනෙකුත් පළාත් මෙන් තම ප්‍රදේශ පරිපාලනය කර ගැනීමට ඇති නිදහසට සහ වගකීමට බාධා නොවන ලෙස කටයුතු කිරීම.

සෑම ජන වර්ගයකටම අයත් ජනතාවට තම මළගියවුන් සිහිපත් කිරීමට ඉඩදිය යුතු අතර, හමුදා සෙබලූන් සහ කැරලිකරුවන් යන දෙපිරිස අතරින්ම යුද්ධයේ දී මියගියවුන් පිළිබඳ නිවැරදි තොරතුරු ලබාදීම අවශ්‍යය.”

උතුරේ ආණ්ඩුකාරවරයා පත් කිරීම ජනාධිපතිවරයා සතු කාර්‍‍යභාරයක් මිස රදගුරු සම්මේලනයේ වගකීමක් නොවේ. අනෙක් පසින් දැනට උතුරේ ආණ්ඩුකාරවරයා හමුදා සේවයේ සිටියේ මේ නිලය දැරීමට පෙර මිස හමුදා නිල ඇඳුමින් ආණ්ඩුකාරකම් කරන්නේ නැත. හමුදා සේවයේ සිටීම වෙන කිසිඳු නිලයක් දැරීමට නුසුදුසු කමක් යැයි රදගුරු සම්මේලනය තීරණය කරනේ දෙමළ බෙදුම්වාදී ඉල්ලීම මත පිහිටා මිස වෙනකක් නිසා නොවේ. අදද එල්ටීටී ඊ සන්නන්ධ සේවාවල නියුතු වූ ත්‍රස්ත සටන්කාමීන් කපටි සූට් ඇඳ පළාත් සභා , පාර්ලිමේන්තු නියෝජනය කිරීම පිළිබඳ රදගුරු සම්මේලනයට ප්‍රශ්නයක් නොවී හිටපු හමුදා නිළධාරියෙකු ආණ්ඩුකාරධූර දැරීම ප්‍රශ්නයක් වන්නේ එය ඊළම කරා යන ගමනේ පළමු කොන්දේසිය වී ඇති නිසා සහ බටහිරයන්ගේ ඒජන්තකම කතෝලික සභාවේ භුක්තියට සවි වී ඇති නිසා නොවේ යයි නොසිතන්නේ කෙසේද?

අනෙක් පසින් මළවුන් සැමරීම වියුක්තව සැලකූ විට ඉතා අහිංසක ඉල්ලීමක් ලෙස පෙනෙන්නට පුළුවන. නමුත් රාජ්‍යයක් තීරණ ගන්නේ මේ කේවල අහිංසක කම් මත නොවේ. දෙමළ ත්‍රස්තවාදීන් සැමරීමට ඉඩ නොදෙන්නේ වෙනකක් නිසා නොව එමගින් උත්තේජනය වන දෙමළ ජාතිවාදය නැවතත් පසුගිය වසර තිහේ සිදු කළ විනාශය නැවත සිදු කරන්නට ඇති ඉඩ කඩ ඇහිරීමට මිස අහිංසක දෙමළ වැසියෙකුට තමන්ගේ ඥාතියෙකු සැමරීම ඇහිරීමේ පටු අරමුණින් නොවේ. යුද්ධය නිසා සෑම ජාතියකට අයත් මිනිසුන් මිය ගිය බව සැබෑය . නමුත් රදගුරු සම්මේලනය මේ ඉල්ලන්නේ එල්ටීටීඊ සාමාජිකයන් සංවිධානාත්මකව සැමරීමට ඉඩමිස වෙනකක් නොවේ . අල්කයිඩාව ත්‍රස්ත සංවිධානයක්ව තහනම්ව ඇති තත්වයක් යටතේ ඇමරිකාව , බ්‍රිතාන්‍ය තුළ අල්කයිඩා සාමාජිකයන් සැමරීමට ඉඩ ලැබේද ? රදගුරු සම්මේලනය දෙනෙත් හැර ලෝකය දෙස බැලිය යුත්තේ හොර නින්දෙන් ඇහැරීමෙන් පසුවය. එසේ නොවුනහොත් ලෝකය පුරා ඇති මේ නිදසුන් පෙනෙන්නේ නැත. ත්‍රස්තවාදීන්ට කැරළිකරුවන් යන ආදරණීය ආමාන්ත්‍රණය ලබා දීමෙන්ම කතෝලික රදගුරු සම්මේලනයේ බෙදුම්වාදයට ඇති පෙම සැඟවිය නොහැකි ලෙස එලියට පැන තිබේ.

සිංහලයන්ට හිමි තැන අහිමිවීම

අපට වැටහෙන අයුරින් නම් එඬේරික ප්‍රකාශනයේ මුග්ධම ප්‍රකාශය අඩංගු වන්නේ පහත පරිච්චේදයේය.

එනම්

“ත්‍රෛභාෂා ප්‍රතිපත්තිය ශක්තිමත් ලෙස හඳුන්වා දිය යුතු අතර, පාසලේ දී තම මව්බස පමණක් නොව සම්බන්ධීකරණ බස වන ඉංග‍්‍රීසි භාෂාවට අමතරව ශ්‍රී ලංකාවේ භාවිත වන තම මව්බස නොවන අනෙක් ප්‍රධාන භාෂාව ද ඉගෙනීමට සියලූ පාසල් දරුවන් සහ යෞවනයින් උනන්දු කිරීම සහ දිරි ගැන්වීම වැදගත් වෙයි. විද්‍යාර්ථින්ට සරසවි උපාධි පිරිනැමීමේ දී ත්‍රෛභාෂාමය හැකියාව තිබීම කොන්දේසියක් බවට පත් කිරීම අවශ්‍යය යන්න අපගේ විශ්වාසයයි.ඊට අමතරව, ජාතික භාෂා පනත තවදුරටත් ශක්තිමත් කළ යුතු අතර රජයේ සහ පෞද්ගලික අංශයේ රැකියා, විශේෂයෙන්ම ජනතාවගේ දෛනික ජීවිත සමග ගනුදෙනු කරන තනතුරු භාෂා තුනම ප්‍රගුණ කළ අයට පමණක් විවෘත කිරීම ද අවශ්‍යය. “

ත්‍රයි භාෂා බලහත්කාරය අද ඊයේ කතා බහට ලක් වූ මාතෘකාවක් නොවේ. එදා ඉංග්‍රීසිය රාජ්‍ය භාෂාව තිබෙද්දී එ යට අනුකූලව හොර බළලුන් සේ සිටියවුන් බිරිතානීන්ට රට යටත් වීමට පෙර පැවති ආකාරයටම එනම් සිංහලය රටේ මූලික භාෂාව කිරීමට එරෙහිව පොලු මුගුරු අතට ගත් අතීතය අපට මතකය.මේ ත්‍රයි භාෂික බලහත්කාරය එහි තවත් දිගුවක් පමණකි.උතුරේ ජනයාට තමන් කැමති භාෂාවකින් කටයුතු කිරීමට ඉඩ දෙන්න යැයි පවසන දෙමළ ජාතිවාදීන් මෙන්ම බෙදුම්වාදීන් අනෙක් පසින් බහුතර සිංහල ජනයා මත ත්‍රයි භාෂා බලහත්කාරය පටවන්නේ කිසිඳු හිරිකිතයකින් තොරවය . තම මව් බසෙන් කටයුතු කිරීම ජාතියක් නැගීමට අත්‍යවශ්‍ය කරුණක් බව පිළිගත් විද්‍යාර්ථ මතය වෙද්දී අපේ රටේ මේ ත්‍රයි භාෂික බහුබූතය පිළිලයක් සේ සෑම තැනකම පැතිරෙන්නේ අනාගතය දකිමින් නොවේ.

අනාගත රැකියා අවස්ථා ත්‍රයි භාෂික උගතුන්ට පමණක් යෝජනා කිරීම මගින් කතෝලික රදගුරු සම්මේලනය මේ රටේ ශිෂ්ඨාචාරය ගොඩ නැගූ සිංහලයන්ට පයින් ගසා ඇති බව කණගාටුවෙන් යුතුව නමුත් කිව යුතුය. බ්‍රිතාන්‍ය තුළ සිටින ඉන්දියානුවන් නිසා බ්‍රිතාන්‍යයන් හින්දි බස ඉගෙන ගන්නේ නැති නමුත් ඉන්දියානුවන් ඉංග්‍රීසියට අවශෝෂණය වේ. ලෝකය පුරා නිදසුන් පෙන්වන්නේ මේ යථාර්ථයයි. එසේනම් ලංකාව තුළද බහුතරයේ භාෂාව ඉක්මනින් සුළුතර ජනයා වෙත සම්ප්‍රෙෂණය වීම සිදු වීම හරහා අනාගත රැකියා වෙළෙඳපළ තුළ සුළු ජාතික අධිපතීත්වය බලහත්කාරීව කූට ලෙස පැතිරවීම රදගුරු සම්මේලනයේ මේ මුග්ධ යෝජනාවේ අනිවාර්‍ය අවසන් ප්‍රතිපලය වේ.

මේ යොදන්නේ කුමන බලයද?

මන්නාරම රදගුරුවරයා එකල ත්‍රස්තවාදය සමග එක තුරුලේ සිට බෙදුම්වාදය වෙනුවෙන් පෙනී සිටියේ ස්ව අභිමතය මත පමණක් නොවන බවත් බෙදුම්වාදය වෙනුවෙන් කතෝලික රදගුරු සම්මේලනයම එකාවන්ව පෙනී සිටින බවත් දැන් ප්‍රත්‍යක්ෂය. තමන්ගේ සීමාව දරුණු ලෙස ඉක්මවා යමින් කතෝලික රදගුරු සම්මේලනය මේ එඬේරීක ප්‍රකාශනය හරහා පෙන්වා ඇත්තේ තමන් පසුපස සිටින බටහිර ස්වාමිවරුන්ගේ හයිය මිස වෙනකක් නොවේ. ඉදිරි මාස කිහිපයේදී ජිනීවා හරහා රට වටලෑම ඇරඹෙන බව දුර සිට දන්නා මොවුන් මේ සැරසෙන්නේ ඒ බලහත්කාරයේ දේශීය වෙළුමට බව සැඟවිය හැකි නොවේ. රදගුරු සම්මේලනය යුක්තිය මේ යැයි අපට පෙන්වන්නේ ඔවුන් පසුපස ඇති මේ බලය මිස වෙනකක් නොවේ.එඬේරික ප්‍රකාශනයේම සඳහන් පහත වැකියේන් අපි මේ සටහන සමාප්ත කරමු.

“මකියාවෙලී නම් දාර්ශනිකයා හඳුන්වා දුන් ‘යුක්තිය යනු බලයයි’ යන අතිශය පහත් දේශපාලන ප්‍රතිපත්තිය සම්පූර්ණයෙන් ම මගහැරිය යුතුවේ. “

මෙ ඔවදන රදගුරු සම්මේලනයේ ක්‍රියා කලාපයට හොඳින්ම ගැලපේ.

www.yuthukama.com
-කැලුම් නිරංජන. යුතුකම සංවාද කවය
Read more ...

ධර්මරාජ්‍ය වල දමන දේවරාජ්‍ය මෙහෙයුම


සිංහල බෞද්ධ ජනතාවට පමුණුවන ලද වධ හිංසා පිළිබඳව පෘතුගාලයේ රාජ්‍ය ලේඛනවල ඇති මූලාශ්‍ර උපයෝගී කරගනිමින් විග්‍රහයක යෙදෙන පෘතුගීසි ජාතික පූජකවරයෙකු වන ක්වේරොස් මෙසේ පවසයි.

"ආසියාවේ කතෝලික මධ්‍යස්ථානය බවට පත්කර ගැනීම සඳහා සෑම සුදුසුකමක්ම තිබූ ලංකාව පෘතුගීසින්ට අහිමි වූයේ ආගම පැතිරවීම සඳහා ඔවුන් විසින් අනුගමනය කළ ක්‍රියාදාමයයි. මේ නිසා දෙවියන් වහන්සේගේ ශාපයට ගොදුරු වීමට පෘතුගීසින්ට විය." යනුවෙන් එහි දක්වා තිබේ. බුද්ධ ශාසනයට එරෙහිව ක්‍රියාත්මක වන අන්‍යාගමික සංවිධානවල ක්‍රියාකාරීත්වය සෙවීම සඳහා වන 2002 ජනාධිපති කොමිෂන් සභාව හමුවේ සාක්ෂි දුන් බොහෝ දෙනෙකු පවසා තිබුණේ එසේ 16 වන සියවසේදී බොඳවී ගිය ලංකාව ආසියාවේ කතෝලික මධ්‍යස්ථානය කර ගැනීමේ සිහිනය අවුරුදු 500 කට පසුව නැවතත් මතුකර ඇති බවයි. ඒ අනුව නිදහසින් පසු ශ්‍රී ලංකාවේ සාම්ප්‍රදායික රෝමානු කතෝලික රෙපරමාදු සහ ලංකා සභා පල්ලිවලට වසර 500 ක් තුළ සපුරාගත නොහැකිවූ සිහල බෞද්ධයන් ක්‍රිස්තියානිකරණය කිරීම මෑතක සිට කතෝලික - ක්‍රිස්තියානි මූලධර්මවාදීන් විසින් ශීඝ්‍රයෙන් සිදුකරගෙන යන ලබයි.

බෞද්ධ ජනතාව, ක්‍රිස්තියානි ආගම්වලට හැරවීමේදී බයිබල් පාඩම් මාලා මගින් හා ගෙන්ගෙට යන මිෂනාරීන් මගින් පහත දැක්වෙන කරුණු කෙරෙහි විශ්වාසය ඇති කරවීමට උත්සාහය දරනු ලබයි.

● මෝසෙස්ගේ දිව්‍ය රාජ්‍යය ඉතා ඉක්මනින් පහළව ලෝකයම එම අණසකට යටත්ව වේ.
● ඒ සඳහා සූදානම් වීමට යේසුස් අනිවාර්යයෙන්ම අනුගමනය කළ යුතුය.
● බයිබලය වනාහි පරම විශ්වාසය මෙන්ම දිව්‍ය භාෂිතයද වෙයි.
● මුළු ලොවම අවබෝධ කරගැනීමට හා ජයගැනීමට බයිබලයම පාදක වන්නේය.
● අධ්‍යාපනය බයිබලය ඔස්සේම සිදුකළ යුතුය.
● ක්‍රිස්තියානි ධර්මය වැළඳ ගැනීමෙන් සර්වාර්ථ සිද්ධිය ඇතිවන්නේය.

යනාදිය ඉන් කිහිපයකි.

වතිකානුවේ උපදෙස් මත ජාත්‍යන්තර මූල්‍ය සම්පත් උපයෝගී කොට ගනිමින් සංවිධානත්මකව සහ සැලසුම් සහගතව බෞද්ධයන් ක්‍රිස්තියානියට හැරවීමට ක්‍රියාමාර්ග දියත්වෙමින් තිබේ. මේ බව තහවුරු කෙරෙන ලිඛිත හා මුද්‍රිත සාක්ෂි බොහෝය. මුළු ලෝකයම ක්‍රිස්තියානියට හැරවීමේ ව්‍යාපාරයේ නායකයාවූ ජෝශප් කාර්ඩිනල් ටොම්කෝ නමැති පූජකවරයා වතිකානුවේ සිට මෙහි පැමිණ ඔහුගේ සහභාගීත්වයෙන් මහනුවර අම්පිටියේ ජාතික සෙමනේරියේදී 1990 ජූලි 22 – 29 දක්වා සම්මන්ත්‍රණයක් පවත්වා තිබේ. කතෝලික සභාව මගින් සතිපතා පළකරනු ලබන "මැසෙන්ජර්" 1990 ඔක්තෝබර් 14 වන දින සඟරාවේ මුල්පිටුවේ මේ පිළිබඳව පළ වූ වාර්තාවට අනුව සම්මන්ත්‍රණයේ අරමුණු වී ඇත්තේ වර්තමාන ශ්‍රී ලංකාවේ හා ආසියානු රටවල කතෝලික පියවරුන් මිෂනාරි කාර්යභාරය පිළිබඳව අවලෝකනය කොට ඒ පිළිබඳ උපාය මාර්ග සලකා බැලීමයි. මහනුවර පියාෂෝ උද්‍යානයේ පිහිටුවා ඇති "ලයිට් හවුස්" දේවස්ථානය භාර දේවගැති වර්ගිස් චාන්ඩ් විසින් සිය අත්සනින් යුතුව 1995.08.01 දින බෙදා හැර ඇති ලිපියක මෙසේ සඳහන් වේ.

"2000 වර්ෂයට තව දින ඇත්තේ 4000ක් පමණි. එම වර්ෂය, ශ්‍රී ලංකාවේ අස්වැන්න නෙළාගන්නා කාලය බව අපගේ අවංක විශ්වාසයයි."

"ක්‍රිස්ටියන් මිනිස්ට්‍රිය" නම් සංවිධානයේ වෛද්‍ය ලලිත් මෙන්ඩිස් මහතා 1987 අගෝස්තු මස නිකුත්වූ "ඩිරෙක්ෂන්" නමැති මාසික සඟරාවට ලිපියක් සපයමින් මෙතෙක් තම ග්‍රහණයට හසු නොවූ ජනකොටස් 16ක් හඳුනාගෙන ඔවුන් ක්‍රිස්තියානියට හැරවීම සඳහා විශේෂ ප්‍රයත්නයක් දැරිය යුතු බව ප්‍රකාශ කොට තිබේ. මෙසේ හඳුනාගෙන ඇත්තේ:

● ආදර්ශ ගම්මානවල හා උදාගම්වල වැසියෝ
● මහවැලි වැනි අලුත් ගම් වැසියෝ අවතැන්වූවෝ
● සිරකරුවෝ
● මත්ද්‍රව්‍යය ලෝලීහු
● උගත් බෞද්ධයෝ
● පැල්පත්වාසි මුස්ලිම්/මැලේ ජනයා
● ද්‍රවිඩ වතු කම්කරුවෝ
● ධීවරයෝ
● සැඬොල්
● අහිකුණ්ඨිකයෝ හා වැදි ජනයා
● නාගරික පැල්පත්වාසීහු
● සරසවි ශිෂ්‍යයෝ
● ගණිකාවෝ
● ආරක්ෂක අංශවල හමුදා නිලධාරීහු මෙන්ම
● ත්‍රස්තවාදීහු ද වෙති.

2001 ජුනි 24 වන දින ශ්‍රී ලංකාවේ ජාතික ක්‍රිස්තියානි ඉවැන්ජලිකල් ආයතනය මෙරට වසර 50 ක් තිස්සේ කරන ලද සේවය පිළිබඳ කටයුතු සමරන අවස්ථාවේදී එම ආයතනයේ මහ ලේකම් ගොඩ්ප්‍රි යෝගරාජා මහතා මෙසේ ප්‍රකාශ කර ඇත.

"දුෂ්කරතා රාශියක් මධ්‍යයේ ශ්‍රී ලංකාව, ජේසුතුමා වෙත හැරවීමේ ක්‍රියාදාමයෙහිදී අපි බලසම්පන්න වී ඉදිරියෙන් සිටිමු. මෙම කර්තව්‍යය විශ්වාසයේ ගමනකි. දේව මහිමයේ කතාවකි. නිවිය නොහැකි ගිනි සිළුවකි. නොමැරෙන සිහිනයකි." රේඩියෝ බයිබල ක්ලාස් මිනිස්ට්‍රීස් යන ක්‍රිස්තියානි සංවිධානයේ ශ්‍රී ලංකා මධ්‍යස්ථානය දෙහිවල පිහිටා ඇති අතර, මේ සංවිධානය මුළු ආසියාවේද, මැද පෙරදිග හා අප්‍රිකාවේ ආර්.බී.සී. මිනිස්ට්‍රීස් කේන්ද්‍රස්ථානය කර ක්‍රිස්තු ධර්මය මෙම සියලු ප්‍රදේශවල පැතිරීම සඳහා සැලසුම් කර ඇත. ආචාර්ය ඇලෙක්ස් ජී. ස්මිත් විසින් පවසන අයුරින් "විසි එක්වන සියවසේ ක්‍රිස්තියානි පල්ලිය මුහුණපාන විශේෂ අභියෝගය නම් ඉවසීමෙන්ද, දැඩි ප්‍රයත්නයෙන්ද, පාරිශුද්ධත්වයෙන්ද ක්‍රිස්තියානි නොවූ ඉතිරි විශාල බෞද්ධ ජනතාවට සමීපවීමය. මෙම බෞද්ධයන් ක්‍රිස්තියානිකරණය සඳහා යාච්ඤා කිරීමට, යෑමට, යැවීමට මුළු ආසියාවේම බෞද්ධයන් මූලධර්මවාදවලට හැරවීම සහ මුළු ආසියාවේම බෞද්ධයන් අතර පල්ලි පැළ කිරීමට මෙය දේව කැඳවීමකි. පසුගිය වසර එකසිය තිස්පහ තුළ OMF සංවිධානය බෞද්ධයන් අතර සේවය කර ඇත. මීළඟ ශතවර්ෂයේ ඔවුන් අතර දේව වචනය පැතිරවීම සඳහා අප සමග එක්වන්න" යනුවෙන් දක්වා තිබේ.

රැම්බෝ ලුවිස් සිය ග්‍රන්ථ ක්‍රිස්තියානිකරණය කිරීමේදී යෝජිත පිරිස් හැරවීමේ ක්‍රම 06 ක් පෙන්වාදී තිබේ. එනම්.

● බුද්ධිමය හැරවීම,
● යම් අද්භූත දර්ශන හා ශබ්ද මාර්ගයෙන් මවිතයට පත් කිරීම,
● පොත්පත් ආදිය බෙදාදීමෙන් ආකර්ෂණය කරගැනීම,
● ආදරය කරුණාව දැක්වීම,
● ප්‍රසංග හා ආකර්ෂණීය දේශන පැවැත්වීම මෙන්ම
● බලහත්කාර ක්‍රම යෙදීම යනාදියයි.

ආගමට හරවා ගැනීමේදී මිෂනාරීන් උපයෝගී කරගන්නා අවස්ථාද රාශියකි. දුප්පත්කම, විරැකියාව, සමාජ අසාධාරණතා, පෞද්ගලික අමනාපකම්, ප්‍රේමය හා විවාහ සබඳතා, කායික හා මානසික ආබාධ, ත්‍රස්තවාදය නිසා අනාථවීම, උසස් පාසලකටම තම දරුවන් ඇතුළත් කිරීමේ අවශ්‍යතාව, ආගමට හැරවීමෙන් සමාජයේ උස් තැනක් ලබාගත හැකිය යන හැඟීම, බෞද්ධ සංස්කෘතියට පිටුපා නිදහසේ හැසිරීමට අවස්ථාව ලබා ගැනීම, මත්ද්‍රව්‍යය ලෝලීත්වය යනාදිය ඒ අතර වේ. සමාජ සේවා මුවාවෙන් ශ්‍රී ලංකාවට පැමිණි ප්‍රධාන අරමුණ ලෙස බෞද්ධයන් අබෞද්ධයන් කිරීමේ නිරතව සිටින රාජ්‍ය නොවන මූලධර්මවාදී සංවිධාන කෙරෙහිද අවධානය යොමු කළ යුතුය. 2002 වන විට මෙවැනි මූලධර්මවාදී ක්‍රිස්තියානි සංවිධාන 110 ක් සමාගම් රෙජිස්ට්‍රාර් දෙපාර්තමේන්තුවේ ලියාපදිංචි කොට ඇත.

මේ වනවිට (2012) එවැනි සංවිධාන 400ට අධික ප්‍රමාණයක් රට පුරා විවිධ ස්වරූපවලින් ක්‍රියාත්මක වන බව සැලවේ. ඇමෙරිකා එක්සත් ජනපදයෙන්ද, බටහිර යුරෝපා රටවලින්ද, දකුණු කොරියාවෙන්ද, ශ්‍රී ලංකාවට පැමිණ ඇති මෙම සංවිධාන සිදුකරන කටයුතු විමසා බැලීමට කිසිවකු හෝ කිසියම් ආයතනයක් හෝ නැත. රාජ්‍ය නොවන සංවිධානවල කටයුතු බුද්ධ ශාසන අමාත්‍යංශය හා සෙසු අදාළ ආයතනවල අවධානය යොමු නොවීම ඉහත කී සංවිධානවලට ස්වකීය කටයුතු නිදහස්ව සිත් සේ කරගෙන යෑමට අනුබල ලැබීමක්ද වෙයි. මෙම සංවිධාන පිළිබඳ මහානායක ස්වාමීන් වහන්සේලා ඇතුළු බෞද්ධ සංවිධාන වරින්වර රජයට කරුණු පෙන්වා දුන් නමුදු එයින්ද ඵලක් වී නැත.

මෙම රාජ්‍ය නොවන සංවිධාන පසුගිය දශක කිහිපයක් තුළ බුද්ධ ශාසනය විනාශ කිරීමට පෙළගැසී ඉතා සූක්ෂම ලෙස ක්‍රියාත්මක වන බව පෙනේ. "ලෝක දර්ශනය ලංකා" හෙවත් "වර්ල්ඩර් විෂන් ලංකා" මෙබඳු එක් සංවිධානයකි. මොවුහු හෙළිදරව් නොකරන, මොවුන්ගේ සම්පූර්ණ නාමය වනුයේ "වර්ල්ඩ් විෂන් ක්‍රිස්ටියන් ඕගර්නයිසේෂන්" යනුයි. මෙය නොදියුණු හා සංවර්ධනය වෙමින් පවත්නා නික්ස් රටවල සංවර්ධනය සඳහා ජනතාවට සහනාධාර ලබාදීම සඳහාද දියත්කර ඇතැයි කියැවෙන ජාත්‍යන්තර ක්‍රිස්තියානි සංවිධානයකි. මේ සංවිධානය ඉටුකරන සෑම සමාජ සේවා ව්‍යාපෘතියකම ගැබ්වී ඇත්තේ ජනතාව ක්‍රිස්තියානිකරණය කිරීමයි. එහි සභාපතිවරයාගේ ප්‍රකාශයකින්ම ඒ බව පැහැදිලි වේ. "අපි සෑම ව්‍යාපෘතියක්ම සෑම වැඩසටහනක්ම විග්‍රහ කරමු. එවන් වැඩසටහනක් තුළ ක්‍රිස්තියානිකරණය කැපී පෙනෙන අංගයක් බවට අපි වගබලා ගනිමු. පුද්ගලයන් පෝෂණය කොට ඔවුන් අපායට යවන්නට අපට නොහැකිය.

" ලෝක දර්ශනය මගින් ලංකාවේ ඇතැම් දිළිඳු ජනතාවගේ දිළිඳුභාවය තුරන් කිරීමේ හා අසරණ ජනතාව සරණවීමේ මුවාවෙන් උඩවලවේ දේශයේ බෞද්ධයන් පනස් දෙනෙකුද, කැකිරාවේ බෞද්ධයන් සිය දෙනෙකුද බෞතිස්ම කරන ලද බව 1994 රාජ්‍ය නොවන සංවිධාන පිළිබඳව සොයා බැලීමේ ජනාධිපති කොමිසමට ඉදිරිපත් කොට තිබිණි. එහි "ලෝක දර්ශනය ලංකාව" සංවිධානය විසින් ශ්‍රී ලංකාවේ බෞද්ධයන් අන්‍යාගම්වලට හැරවීම සඳහා දියත් කර ඇති "අබ ඇට ව්‍යාවපාරය" පිළිබඳවද විස්තරයක් ඇත. එම ව්‍යාපාරය මගින් බෞද්ධයන් බහුතරයක් වාසය කරන දුෂ්කර ප්‍රදේශවල පිට පළත්වලින් ගෙන එන ක්‍රිස්තියානි ජනතාව බෞද්ධයන් අතර පදිංචි කිරීමෙන් හෙවත් "පැළ කොට" පළමුව සමාජ සේවා මුවාවෙන් ඔවුන්ට සමීප වී පසුව ආගම් ප්‍රචාරයෙන් බෞද්ධ ජනතාව ක්‍රමනුකූලව ක්‍රිස්තියානියට හරවනු ලැබේ.

වෛද්‍ය ලලිත් මෙන්ඩිස් මහතා විසින් ලියන ලද "අන්රීච්ඩ් පීපල්ස් ඔෆ් ශ්‍රී ලංකා" යන ලියවිල්ලෙහි පල්ලි ඉදි කිරීමේ ක්‍රමය මෙලෙස සඳහන් කොට ඇත.

"ශ්‍රී ලංකාවේ ගම් 25, 487ක් ඇත. ලංකාවේ පවත්නා එවැන්ජලික නිකායට අයත් සතිපතා සාමූහික රැස්වී යාච්ඤා සිදුකරන යාච්ඤා මධ්‍යස්ථාන 400කි. මින් 350ක් නගරවලද, 50ක් පමණ පිටිසර ප්‍රදේශවලද පිහිටා ඇත. අපගේ පරමාර්ථය විය යුත්තේ සෑම ගමකම පල්ලියක් "පැළ කිරීමයි." ග්‍රාමීය පල්ලියක් ගොඩනැගීමේදී අනුගමනය කළ යුතු ක්‍රම 14 ක්ද එහි දක්වා ඇත. එනම්,

1. නාගරික පල්ලියක් විසින් ගමක් තෝරාගෙන එහි කටයුතු සඳහා ක්‍රිස්තියානි දේවදූතයෙකු එහි පදිංචි කළ යුතුය.

2. දැනට පල්ලියක් තිබෙන ස්ථානයට එහා ගමක අලුත් පල්ලියක් පිහිටුවන විට කල්පනකාරී විය යුතුය. ගම් පළාත්වල ගමනාගමනය අපහසුය.

3. ගමක පල්ලියක් පිහිටුවීමේදී ක්‍රම කිහිපයක් අනුගමනය කළ යුතුය.

● ඒ ගම තුළ සාමාන්‍යය ගැමියෙකු ලෙස පදිංචි වන්න.
● දැනට විශ්වාසවන්ත පවුලක් සිටී නම් එම නිවසේ යාච්ඥා අරඹන්න.
● එසේ නැතිනම් විශ්වාසවන්ත පවුලක් ගමක පදිංචි කරවන්න.
● ඉන්පසු ඒ නිවසේ යාච්ඥා අරඹන්න.
● ගෙයින් ගෙට හෝ ප්‍රසිද්ධ තැන්වලට හෝ ගොස් පත්‍රිකා බෙදා එමගින් දොරටු විවෘත කරගත හැකිදැයි බලන්න.
● සෙනග සිටින පොළ දවසේ සුභාරංචි පණිවුඩ දෙන්න

4. දේව සේවකයා නාගරිකයෙකු නම්, ඔහු ගැමි ජීවිතයට හුරු විය යුතුය. ඔහු වෙසෙන ගෙය ගැමියන්ගේ මෙන් පොල්අතු මඩුවක් නම් හොඳයි. ළිඳෙන් නාන්න; ශ්‍රමදාන අවමංගල්‍ය වැනි වැඩවලට හවුල්වී සුභාරංචියට දොර ඇරගන්න.

5. දේවසභාව සඳහා පොල්අතු මඩුව සෑහේ. මුලදී ලොකු ගොඩනැගිලි සෑදීම නිසා ගම්මුන් එරෙහි වූ වාර ගණන බොහෝය. කුරුස හෝ ආගමික සංකේත පිටතට පෙනීම තැබීමෙන් වළකින්න.

6, ගම්වල ක්‍රියාත්මක වන යක්ෂ බලය දුරු නොකළොත්, (බුද්ධ ප්‍රතිමා ඉවත් කිරීම) ආත්මවලට දෙවියන් වහන්සේ වෙත එන්නට නොලැ‍බේ.

7, ශුද්ධාත්ම බලයෙන් යක්ෂයන් දුරු කිරීම සඳහා කුමක් හෝ දීම යක්ෂ බලය බලපවත්නා ලංකාවේදී බොහෝ ප්‍රයෝජනවත්ය.

8. දේව සභාව මෙහෙයැවීමට ඇදහිලිවන්තයන් පිරිසක් තෝරාගෙන පුහුණු කිරීමට සමත්විය යුතුය.

9.ගැමි බෞද්ධයනට ජීවමාන ගැලවුම්කරුවෙකුගේ අවශ්‍යතාව තදින් දැනේ. බොහෝ වේලාවට ආගමට හැරීමට සිදුවන්නේ ජීවත්වීමට අවශ්‍යය දේ සපුරා දීමෙන් මිස ධර්මයෙන් නොවේ.

10. එළිමහනේ රැස්වීම් පවත්වන විට පරිස්සම්වන්න.

11. අලුත් ඇදැහිලිවන්තයන් ක්‍රිස්තියානි පවුල්වලට සම්බන්ධකර ශක්තිමත් කරන්න. ඔවුන් නැදෑයන් විරුද්ධ වනු ඇත. යක්ෂයා එවුන් ආපසු අන්ධකාරයට ගෙන යන්නට ඉඩ තිබේ.

12. හරවා ගැනීමට දෙන මුදල් හා වෙනත් ආධාර ගැන වැරදි අදහස් ඇතිවේ. විශ්වාසය තහවුරු වූ පසු පවුලේ අය සමග බෙදාගැනීමට ආධාර ලබාදෙන්න.

13. ගමක අලුත් පවුල්ද, එක් පවුලක අබෞද්ධ හවුල්කරුවෙකුද ඇති පවුල් තෝරාගන්න. විහාරයක් ආසන්නයේ ජීවත්වීමෙන් වළකින්න.

14. නාගරික ආගමික සභාවල අනවශ්ය් වියදම් අඩුකර ගම්බද දිළිඳු සභාවට උදව් කළ යුතුය.
යනාදිය එම ක්‍රමවේදයෝය.

මේ ක්‍රමවේද ඔස්සේ රට පුරා පල්ලි පැළ කරනු ලබන අතර, ළදරු පාසල් තුළින් ක්‍රිස්තියානිකරණය ද්‍රව්‍යමය හා මූල්‍යමය ආධාර මගින් ක්‍රිස්තියානිකරණය, ප්‍රේම සම්බන්ධතා තුළින් දෙවියන් යාච්ඥා කිරීමෙන් ලෙඩ රෝග සුව කිරීමෙන් රැකී රක්ෂා ලබාදීමෙන්, ගම් පිබිදවීම, ක්‍රිස්තු ධර්මය පිළිබඳ පොත්පත් පත්‍රිකා බෙදාහැරීම සහ ගෙවල්වලට පැමිණ විවිධාකාර බලපෑම් මගින් මෙන්ම විවිධ කුමන්ත්‍රණ ඔස්සේ බෞද්ධයන් තුළ මහා සංඝරත්නය විෂයෙහි පවත්නා ශ්‍රද්ධාව, ගෞරවය බිඳහෙළීම ආදී ක්‍රමවේද ඔස්සේ බෞද්ධයන් අන්‍යාගමිකරණය කරනු ලැබේ.

මෙකී කාරණා සම්බන්ධයෙන් රජය සිය පූර්ණ අවබෝධය යොමු කොට කඩිනම් විසඳුම් ලබා දිය යුතුයි. ඕනෑම අයෙකුට තමන් අභිමත ආගමක් ඇදහීමේ නිදහසක් ඇත. එහෙත් අයථාකාරයෙන් හෝ බලහත්කාරයෙන් අන්‍යාගම්කරණය කිරීමට අවසරයක් නැත. අන්‍යාගම්කරණය යනු බෙදුම්වාදයේ මූලයයි. ප්‍රධාන වාර්ගික සාධකයයි. එහෙයින් අවසාන වශයෙන් කීමට ඇත්තේ මෙපමණකි. ඕනෑම කපුටෙකු අපගේ හිසට ඉහළින් කාක් කාක් කියමින් පියසාර කළ හැක. එහෙත් ඌ අපගේ හිස පහුරු ගාන්නට හෝ හිස මත කූඩු තනන්නට ඉඩ දිය යුතු නැත. යම් හෙයකින් ඌ එසේ කරයි නම් වහාම ඉලපත හෝ මන්නය අතට ගැනීමට අප පසුබට විය යුතු නැත..

සටහන - පන්චන ජයසිංහ
Read more ...

රාජ්‍ය මෙහෙයවීමේ බලය මිනී මෝරුන් අතට.


අනාදිමත් කාලයක් පුරා මේ රටේ සිංහල සමාජයේ කෙන්ද්‍රීය සාධකය වූවේ අපේ භික්ෂූන් වහන්සේලාය. මේ රටේ සංස්කෘතිය, සභ්‍යත්වය, රට වැසියාගේ උපතේ සිට මරණය දක්වා සියළු ක්‍රියාකාරකම් කේන්ද්‍රගත වී තිබුණේ පන්සලත් භික්ෂූන්වහන්සේත් මුල් කරගනිමිනි. එ නිසා සිංහල බෞද්ද සමාජයේ අසහාය නායකත්වය නිතැතින්ම භික්ෂූන් වහන්සේ සතුවිය. එබැවින් මේ රටේ රජුන් තැනීමේ රජුන් හෙළීමේ උත්තරීතර දේශපාලන බලය උන්වහන්සේලා සතු වූවා පමණක් නොව ඒ බලය රටවැසියාගේ යහපත වෙනුවෙන් නිරන්තරයෙන්ම ක්‍රි
යාවේ යෙදවීය.

අතීතය එසේ වුවද වර්තමානය එතරම්ම සුභදායක නොවන අතර අනාගතය පිළිබඳ කවර නම් කතා ද? සංඝ සමාජයට හිමිව තිබූ එම සාභිමානී අසීමිත බලය අද කෙමෙන් පිරිහී ගොස් ඇති බව අපි කවුරුත් පිළිගත යුතු තිත්ත ඇත්තයි. එදා රජුන් තැනූ, මේ රටේ දේශපාලන බලවේගය මෙහෙය වූ අපේ හාමුදුරුවන් සතු වූ උත්තරීතර බලය අද සූක්ෂමව අත්පත් කරගෙන ඇත්තේ කවුද? කතෝලික, ක්‍රිස්තියානි පූජකයන් හා මුස්ලිම් ලෙබ්බෙලාය. ඔවුන් අද සිංහල බෞද්ධයාගේම කර මතින් බලයේ ඔසවා තැබූ පාලකයන් තමන්ගේ බහට නම්මවාගෙන තමන්ට අවශ්‍ය දිශාවට රට මෙහෙයවමින් සිංහල බෞද්ධ බහුතරය විනාශ කර දැමීම සදහා උගුල් අටවමින් සිටිති. (ආසන්නම උදාහරණය “ සිංහල බෞද්ධ බහුතරයට එරෙහිව රජය මෙහෙයවීමේ කතෝලික රදගුරුගේ කුමන්ත්‍රණය ගැන හෙළිදරව් කළ විකිලීක්ස් රහස්‍ය වාර්ථාව. එම වාර්ථාවේ අසංක්ෂිප්ත සිංහල පරිවර්තනය පහතින් දක්වා ඇත”)

එදා රටේ දේශපාලන බලවේගය මෙහෙයවීමේ අසහාය බලය මහා සංඝරත්නයට හිමිව පැවතියේ වර්තමානයේ මෙන් පක්ෂ දේශපාලනයට කොටු වී පටු පරමාර්ථ සාධනය කරගැනීමේ නියලූන නිසා නොව. උතුම් බුද්ධ චීවරයේ බලය නිසිලෙස සමාජගතව පැවති නිසාවෙනි. රජුන්ට අවවාද අනුශාසනා කරමින් රට, ජාතියට නිසි මග කීයූ මහා සංඝ බලවේගයට අද වන විට සිදුව ඇත්තේ කුමක් ද?. ඇතැම් භික්ෂූධන් වහන්සේ දෙපිලකට, තුන්පොලකට බෙදී තමන් නියෝජනය කරන කෙනාගේ හෝ කණ්ඩායමේ අරමුණ වෙනුවෙන් පෙනී සිටිමින් අසහාය භික්ෂූත්වය දාසකමේ යොදවති. ඒ මදිවාට නිකායවාදී, පළාත්වාදී, පටු කල්ලිවාදයන්වල ඇලී ගැලී විවිධ ස්ථර වලට බෙදී වෙන්වී හුදකලාව කටයුතු කරති. දිගින් දිගටම අපේ හාමුදුරුවන් වහන්සේ විවේචනය කිරීම අපට තරම් නොවේ, අප උඩ බලාගෙන කෙළ ගසාගැනීමට යත්න නොදරමු. මන්ද එය යළි අපගේ මුහුණෙහිම තැවරෙන බව දන්නා නිසාවෙනි.

අපගේ ශාස්තෘන් වහන්සේගේ දේශනාව වන්නේ ”සුඛා සංඝස්ස සාමග්ගී” යන්නයි. කැකුණ තලනකොට හබන් කුකුළන්ට රජ මගුල් කියන්නා සේ අපේ කොඳු නාරටිය කුමන ක්‍රමයකින් හෝ බිඳීමට යත්න දරන බටහිරගැති ක්‍රිස්තියානි බළල් අත්වලටත් අරාබි ඉස්ලාම් අන්තවදීන්ටත් සිය පාපතර අරමුණ ඉටු කරගැනීමට අප තවදුරටත් ඉඩ නොතැබිය යුතුය. එබැවින් සමස්ථ භික්ෂූන් වහන්සේ ශාසනයේත් සිංහල ජාතියෙත් ලක් දෙරණෙත් අනාගතය ගැන සිතා එකම අරමුණකට ඒකාග්‍ර වීය යුතුම අවස්ථාව දැන් එළැඹ තිබෙන බව අපගේ විශ්වාසයයි. නිකායවාදය, පළාත්වාදය, පටු කල්ලිවාදය පැත්තකට දමා අපේ හාමුදුරුවන් වහන්සේලා අත පැවති මේ රටේ දේශපාලනය මෙහෙයවීමේ අසහාය බලයත් උත්තරීතර අයිතයත් යළිත් උන්වහන්සේලා අතට ගත යුතුය.

එසේ නොවෙනවානම් මේ බිමේ සම්බුදු සසුනේත් සිංහල ජාතියෙත් අවසානය අත ළග බව නොකවමනාය... එසේ නොවෙනවානම් සිංහල බෞද්ධ නාමධාරී පාලකයන් කිතුණු පූජකයන්ගේ මුස්ලිම් ලෙබ්බෙලාගේ අනට යට වී බෞද්ධ අයිතිවාසිකම් වලට පා පහර දෙත්දී ඉල්ලීම් දීනා ගැනීම උදෙසා අපේ හාමුදුරුවන් වහන්සේලාට අව් පූටකේ දැවෙමින් හැමදාමත් මහ පාරේ අරගල කරන්නට සිදුවීම නොවැලැක්විය හැකිය. එයින් නොනැවතී තවත් සියක් දහසක් අපේ හිමිවරුන්ට බෞද්ධයාගේ අයිතිය වෙනුවෙන් තම වටිනා ජීවිත ගින්නට කැප කරන්නට සිදුවීම නොවැලැක්විය හැකිය.

(ජිනීවා සමුළුවේදී රජයට සහය දෙන බව පෙන්වා බොදු බලවේගට පහරදීමේ කාදිනල් මැල්කම් රංජිත්ගේ කුමන්ත්‍රණය ගැන විකිලීක්ස් ‍රහසය වාර්ථා හෙළිදරව්ව 
- පරිවර්තනය කැළුම් ගමගේ.)

C O N F I D E N T I A L SECTION 01 OF 02 COLOMBO 000929
COLOMBO 00000929 001.2 OF 002
තානාපතිණී PATRICIA A. BUTENIS විසින් සකසන ලද.

1. (C) සාරාංශ - ශ්‍රීලංකා රජයට දැඩි ලෙස බලපෑම් කළහොත් ලංකාවේ මානව හිමිකම් හා ප්‍රජාත්‍රන්ත වාදය ආපස්සට ගමන් කල හැකි බව රෝමානු කතෝලික ආර්ච් බිෂොප් රන්ජිත් පැවැසුවේය. ඔහු පෙන්වා දුන්නේ රාජපක්ෂවරු හට ඇති ප්‍රභල මහජන සහයෝගය නොතකා ජාත්‍යන්තරය විසින් රාජපක්ෂවරු දුර්වල කලහොත් ජාත්‍යන්තරයේ වැඩ වැරදිය හැකි බවය. ලංකාවට GSP සහන ලබානොදී ඇමෙරිකාව විසින් ආර්ථික සම්බාධක පැනවීමෙන් ලංකාව තුළ හමුදාමය හෝ වෙනත් ආකාරයක (රාජපක්ෂ ඇතුළු සිංහල බෞද්ධයන් ගේ) විප්ලවයක් ඇති විය හැකි බවද ඔහු පැවසීය. තානාපතිණිය ඔහුට පැවසුයේ මෙම කරුණු ඉතා සිත්ගන්නා සුළු සේම ඉදිරියට රජයේ මධ්‍යස්ථ බාවයද පෙන්විය යුතු බවය.

2. (C) තානාපතිනිය හා සැප්තැම්බර් 30 හමුවේදී ආර්ච් බිෂොප් රන්ජිත් විසින් ලංකාවේ මෑතකාලීන දේශපාලන තත්වය හා එහිදී කතෝලික පල්ලියේ කාර්යභාරය පෙන්වා දෙන ලදී. තමා සිංහලයෙක් වුවද බෙදුම් වාදයෙන් හා සිංහල බහුතරයේ දැඩි ජාතිවාදී අසාධාරණයට ලක්වී ඇති දමිළයන් වෙනුවෙන් ඉතා අනුකම්පා සහගත වූ බව ඔහු පැවසීය. 2002 සාම ගිවිසුමේදී පල්ලිය මූලික කාර්යභාරය ඉටු කල බවද ඔහු පැවසීය. යුද්ධයෙන් පසු සරණාගතයන් හා අනෙකුත් ත්‍රස්ත්‍රවාදී සිරකරුවන් නිදහස් කිරීම වෙනුවෙන් පල්ලිය ප්‍රසිද්ධියේ පෙනී සිටි බවද ඔහු පැවසුවේය.

මෙම නිසා තමන්ට සිංහල බෞද්ධයින් ගෙන් මරණ තර්ජන එල්ලවූ බව ඔහු පැවසීය. සිංහල බෞද්ධ නායකයන් ඉතිහාසයේදී කල යුතුව තිබු දෙයක් තමා සිදු කල බවත් මැල්කම් පැවසුවේය.

3. (C) රාජපක්ෂ වරු සහ ඔහුගේ සහෝදරයින් හොඳ වුවත් සිංහල බෞද්ධයින්ගේ දැඩි පීඩනය හමුවේ රාජපක්ෂ වරුන් ජාත්‍යන්තරය මගින් දුර්වල කළහොත් රාජපක්ෂවරුන්ටත් වඩා සිංහල ජාතිය වෙනුවෙන් පෙනී සිටින්නන් අතට බලය යා හැකි බවද බිෂොප් පැවසීය. බිෂොප් පැවසුයේ, යම්හෙයකින් ශ්‍රී ලංකා ජනාධි පතිවරයාට යමක් සිදු වුවහොත් (ජ්‍යත්යන්තරයෙන්) ලංකාවේ මීටත් වඩා නරක තත්වයක් ඇතිවිය හැකි බවයි.

4. (C) ඉහත ප්‍රකාශයෙන් පසු යුධ අපරාධ සිදු කිරීමේ චෝදනා ගැන අර්ච් බිෂොප් වරයාගේ අදහස් සෘජු වම මෙසේ පවසන ලදී. " මාගේ අදහසට අනුව දැන්ම යුධ අපරාධ චෝදනා නොනැගිය යුතුය". (පරිවර්ථක :- ඊනියා ප්‍රජාතන්ත්‍ර වාදය ගැන බිෂොප් වරයා ව්‍යාජ ලෙස පවසයි). ඔහු නැවත පෙන්වා දුන්නේ ජාත්‍යන්තරය විසින් රාජපක්ෂවරු දුර්වල කලහොත් ජාත්‍යන්තරයේ වැඩ වැරදිය හැකි බවය. ලංකාවට GSP සහන ලබානොදී ඇමෙරිකාව විසින් ආර්ථික සම්බාධක පැනවීමෙන් ලංකාව තුළ හමුදාමය හෝ වෙනත් ආකාරයක (රාජපක්ෂ ඇතුළු සිංහල බෞද්ධයන් ගේ) විප්ලවයක් ඇති විය හැකි බවද ඔහු පැවසීය. ආණ්ඩුවේ මානව හිමිකම් කඩවීම් නොතකා ලංකාවට GSP සහන දිය යුතු යයි තමා පවසන්නේ මේ නිසා බවද බිෂොප් පැවසුවේය.

******** මැල්කම් රන්ජිත් පැවසුවේ තමා මෙම මේ කරුණ සම්බන්ධයෙන් කටයුතු කරමින් සිටින බවයි. එනම් මහින්ද රාජපක්ෂ හට බලපෑම් කරන බලවේග (සිංහල බෞද්ධ ) නොසලකා කටයුතු කිරීමට ජනාධි පතිවරයා නම්මා ගැනීම සම්බන්ධයෙන් කටයුතු කරමින් සිටින බවයි. දෙමළ නායකයන් සමග සාකච්චා කල යුතු බව බිෂොප් වරයා විසින් ජනාධිපති වරයාට පවසා ඇත. "" රාජපක්ෂලා ඇවිල්ලා යාවි, නමුත් දමිළයන් හැමදාම මෙහෙ ඉන්නවා" බිෂොප් පැවසුවේය.********

තානාපති සටහන: කැ.ග.

C) )ආර්ච්බිෂොප් රන්ජිත් යනු පාප් තුමාගේ ගෞරවයට පත් හා papal nuncio වශයෙන් ඉන්දුනීසියාවේ කටයුතු කල අයෙකි. සිංහල බෞද්ධ බලවේග ඉදිරියේ වුවද ඔහු ශ්‍රී ලංකාවේ සැලකිය යුතු පුද්ගලයෙකි. *** එසේම ඔහුට ජනාධිපතිවරයාගේ කතෝලික ආර්යාව සමග දැඩි හිතවත් කමක් ඇත ***. ජනාධිපති වරයාට සිංහල බෞද්ධයන්ගෙන් දැඩි බලපෑමක් එල්ලවන බව සත්‍යක් වේ. එමනිසා ජාත්‍යන්තරය විසින් රාජපක්ෂවරු දුර්වල කලහොත් ජාත්‍යන්තරයේ වැඩ වැරදිය හැකි බව සැලකිය යුතු කරුණකි.
Read more ...

ඔවුහූ කතරගම දෙව් බිමත් ගෙරි මස් ලෙයින් කිළිටි කළහ


රුහුණු කතරගම මහා දේවාලයේ ඇසළ මංගළ්‍යයේ ප්‍රථම චාරිත්‍රය ලෙස "සර්වාගමික කොඩිය එසවීම" භික්ෂූන් වහන්සේලා, හින්දු, ක්‍රිස්තියානි, මරක්කල පූජකයන්ගේ සහභාගීත්වයෙන් සහ කතරගම දේවාලයේ බස්නායක නිලමේවරයාගේ මූලිකත්වයෙන් ජූනි 28 දින "දේවාලය අසල ඉදිකර ඇති මුස්ලිම් පල්ලියේදී සිදු කරණු ලැබීය"

අහෝ... බුදුන් පහසින් පාරිශුද්ධත්වයට පත්, කද දෙව්රජුගේ අඩවියත් අන්ධභක්තික පාලකයන්ගේත් ඉනා බේත් කෑ පල්ලිනිකායේ වහන්සේලාගෙත් අනුග්‍රහයෙන් සර්වාගමික පූට්ටුවට ගොදුරු වූ හැටි!. සර්වාගමික සහජීවනය නමින් කරළියට ගෙන එන සහජීවනයේ නාමයෙන් ලක් බුදු සසුන දියකර හරින මේ සහාසික කුමන්ත්‍රණයට දැන උගත්යෑයි සම්මත ප්‍රසිද්ධ භික්ෂූන් වහන්සේලාද ගොදුරුවී අවසානය. තමන්ගේ නායක තැන රැකගැනීම සදහා පාලකයන් සතුටු කරවීමට හෝ ජාතිය සසුන ගැන හැගීමක් නැතිකම නිසා හෝ බෞද්ධ පුද බිම් පමණක් නොව පුද සිරිත් පවා අන්‍යාගමිකයන්ට පාවා දීමට ඊනියා සහජීවනයක නාමයෙන් සර්වාගමික වූ මේ සමහරක් වහන්සේලා නිර්ලැජ්ජිත වී තිබීම ජාතියේ අවාසනාවකි.

බුදුන් වහන්සේගේ තෙවනවර ලංකාගමනයේදී කතරගමට වැඩම කොට එවක පාලකයා වූ මහාඝෝග රජ සහ වැසියන් ධර්මයේ පිහිටුවූ බවත් රජ ඉල්ලීම පරිදි වන්දනාමාන කිරීම සදහා ධර්මරාජයාණන් වහන්සේ හිස පිරිමැද ලබා දුන් කේශ ධාතූන් වහන්සේ නිධන් කරවා කතරගම කිරිවෙහෙර තැනූ බව ධාතුවංශය සදහන් කරයි. බුදු පහසින් එසේ පාරිශුද්ධත්වයට පත් කතරගම ඓතිහාසික පසුබිම හා බැදුණු රාජකාරි කුළ පරම්පරාවක්ද පුරාණ චාරිත්‍ර සම්ප්‍රධායක්ද වෙයි. සොළින් හා යුධ කර ලක් රජය එකසේසත් කළ දෙටු ගැමුණු නරදෙටුවන් වහන්සේ කද සුරිදුන්ට වූ බාරයක් අනුව කතරගම දේවාලය ඉදිකර එම දේවාලයේ දිනපතා පුද පූජාවක් වාර්ෂික පෙරහර පැවැත්වීමට දේවාල කාර්ය මණ්ඩලය හා එම කාර්යයන් ඉටුකරන අයට නින්දගම් ලබාදීමද යනාදී සියලුම දෑ අඩංගු “කාතිකාවතක්ද” සකස් කර ඇත. කතරගම දෙවියන්ගේ හින්දු සබදකම නිසා හින්දු භක්තිකයන්ගේද පුද බිමක් වුවත් කතරගම ඉතිහාස කතාවට මුස්ලිමුන් හා ක්‍රිස්තියානීන්ගේ කිසිදු සබදකමක් නැත. ඉතිහාසික සබදකමක් නැතත් වර්ථමානය සර්වාගමික වී අනාගතය සර්වාගමිකයන්ගෙන් තොර මුස්ලිම් බිමක් බවට කතරගම පත්වන බවට මුස්ලිමුන්ගේ බැල්ම වැටුණු සෑම මුස්ලිම් නොව භූමියකටම අත්වූ ඛේදජනක ඉරණම සපථ නොකරන්නේද? දුටුගැමුණු මහ රජුන් අද වැඩ සිටියානම් තමන්ගේ පැවැත්ම වෙනුවෙන් සර්වාගම කරතබාගෙන බුද්ධාගමට වින කටින, බොදු පුද සිරිත් අන්‍යාගමිකයන්ට පාවා දෙන මේ අමනෝඥ පාලක සනුහරය උල තබනවා නියතය.

මුස්ලිම් පල්ලියක් යනු අශුද්ධත්වයේ සංඛේතයකි. අසරණ සතුන්ගේ බෙලි කපන්නේත් සියලු ආකාරයේ ත්‍රස්ත ක්‍රියාවන්ට මුස්ලිමුන් මෙහෙයන්නෙත් පල්ලියෙනි. කතරගම වැනි පාරිශුද්ධ භූමියක අපිරිසිදු මුස්ලිම් පල්ලියක් අටවන්නට ඉඩ දුන්නේ කවුද? යක්ෂයන් මළ පෙරේතයන් අරක්ගත් බිමේ කෙසේ නම් දෙවියන් වැඩ සිටින්නද? දේවාල භූමිය ගෙරි මස් ලෙයින් කිළිටි වත්දී, කද සුරිදුන් දෙවොල් බිමි හැර පියා මහා වනයට වැඩියා සේ "සර්වාගමික සහජීවන" යක්ෂයා බුද්ධභූමිය වෙළාගනිත්දී හෙළ බිම හැර පියා බුදු සසුනද වල් වදිනු ඇත. සහජීවනය නාමයෙන් බෞද්ධයන්ගේ ඇස් වසා අන්‍යාගම් අතරේ බුදු සසුන දියකර හරින මේ සර්වාගමික මායාවේ අවසාණ අරමුණ වන්නේද එයමය. 
Read more ...

බුදු බණට පිටුපා පල්ලියේ බත් බුදින මොහොමඩ් නිකාය.


සියළු ආගමික සහජීවනය සහ සංහිදියාව ගොඩනැගීමේ අරමුණින්... ලෙස නම් කෙරූ රාමසාන් උපවාස හෙවත් නෝම්බි ඇරීමේ වැඩසටහනක් පසුගිය 10 වනදා රත්නපුර ජෙන්නත් ජුම්මා මරක්කල පල්ලියේ සංවිධානය කර තිබිණි. ඒ ‍සදහා රත්නපුර ප්‍රදේශයේ ප්‍රධානපෙළේ විහාරස්ථානවල නායක හිමිවරුන් පිරිසක් ඇතුළු වෙනත් ආගමික පූජකයින්ද ගෙන්වා තිබිණි. මෙම වැඩසටහනට අනුග්‍රහය ලබා දී තිබුණේ පළාත් සභා මන්ත්‍රී රන්ජිත් බණ්ඩාර නමැත්තෙකි. ඉස්ලාම් අන්තවාදය ගැන මුළු මහත් ලෝකයේම ඇස් ඇරී ඇති අවස්ථාවක, රටපුරා හිස ඔසවන ඉස්ලාමීය අත්වාදය ගැන රටේ අස්සක් මුල්ලක් නෑර සිංහලයන්ගේ ඇස් ඇරෙමින් පවතින මොහොතක සහජීවනය නම් වූ කඩතිරයෙන් තම අන්තවාදී නිරුවත වසා ගැනීම සදහා ලංකාවේ මුස්ලිම් පල්ලියද අවස්ථාවාදී අමනෝඥ දේශපාලකයන්ගේ අනුග්‍රහයෙන් භික්ෂූන් වහන්සේලා රටපුරා පල්ලිවලට වඩමවා සර්වාගමික ක්‍රමයට නෝම්බි අරවා සහජීවනය දෝරේ යවමින් සිංහලයන් ගොණාට අන්දවමින් සිටිති. මේ සහජීවනය කවදා වනතුරු තියෙයිද? 

ඒදා තුන්කල් දුටු ණුවනින් ධර්මපාල උතුමන් සිංහල ජාතිය ගැන දෙසූ ඒ පුරෝකථනය අද අපේ ඇස් පනාපිටම යතාර්ථයක් වූ කාලකන්නි අදුරු යුගයට අපි අවතීර්ණව සිටින්නෙමු. සිංහල ජාතිය මේ බිමෙන් තුරන් කර අරාබිලන්තයක් කරවිමේ පිඹුරුපත් සකසා ක්‍රියාත්මක කර ඇති ඉස්ලාමීය ආක්‍රමණිකයන් සහජීවනය නම් වූ සොදුරු වදනට මුවා වී සිංහල ජාතියට ඇති එකම රැකවරණය වූ දැයේ මුර දෙවියන් වූ මහා සංඝරත්නයද තමන්ගේ අරමුණ වෙනුවෙන් භාවිතා කරන්නට තරම් උපක්‍රමශීලීව සිටිති. ධර්මපාල උතුමන් කියූ ලෙසටම සහජීවනය නම් වූ මේ ඉනාව කෑ අපේ ඇතැම් යතිවරුන් වහන්සේලා නූපන් ජාතියත් මුළු මහත් ලෝකයා වෙනුවෙනුත් බුදු දහම ආරක්ෂාකර තැබීමේ තම උපන් යුතුකම අමතක කර සර්වාගමික සහජීවන පූට්ටුවේ ඇමිණී දැනුවත්ව හෝ නොදැනුවත්ව සමස්ථ ජාතියත් බුද්ධ ශාසනයත් පාවා දෙමින් සිටිති.

අහිංසක බෞද්ධයන් අතිමහත් ශ්‍රද්ධාවෙන් පිළිගන්වන දන් පත වළදා, ජාතියට වල කපන කුරාණයේ ඉගැන්වීම් පරිදි අන්‍යාගමිකයන්ගේ බෙලි කපන්නට අනුගාමිකයන් මෙහෙයවන පාපිශ්ඨ ලෙබ්බයන්ගේ ගෙරි මස් මඩුවල අගුපිල්වල ලැග එකපතේ වලදන්නට යෑම මුළු මහත් බෞද්ධයන්ටත් වන්දනීය වූ පූජනීය වූ සැරියුත් මුගලන් මහා සගපරපුරටත් කරන මහත්ම නින්දාව බව සර්වාගමික පූට්ටුවේ පාපයට කරගහන සහ කරගහන්නට බලාපොරොත්තුවන සමහරක් සංඝයාවහන්සේලාගේ දැනගනීම සදහා සටහන් කළ යුතුමය. මේ පාවා දෙන්නේ පරසතුරන්ගෙන් දිවි හිමියෙන් ජාතිය රැකගත් අතීත යතිවිරුවන්ගේ ප්‍රාණ පරිත්‍යාගයයි. මේ පාවා දෙන්නේ එදා නාලන්දාවේදී මොහොමඩ් බක්තියාර්ගේ කඩුවට බිලි වූ විසිදහසක් වූ මහා සංඝයා වහන්සේගේ ජීවිත පූජාවයි. මේ පාවාදෙන්නේ අද මුස්ලිම් අන්තවාදීන් අතින් අමු අමුවේ ඝාතනය වන බුරුමයේ, තායිලන්තයේ අවිහිංසාවාදී භික්ෂූන් වහන්සේලාගේ ප්‍රාණ පූජාවයි. 

සැරියුත් මහා සග පරපුර ධර්මය විනය රකිත්දී මුගලන් පරපුරේ මහා සග පරපුර පර සතුරන්ට එරෙහිව රට දැය මෙහෙයවමින් බුදු සසුනේත් ජාතියෙත් චිර පැවැත්ම තහවුරු කළහ. එදා සොළීන් පරංගීන් මෙන්ම අද ඊටත් වබා බිහිසුණු වූ ඉස්ලාම් අන්තවාදීන් සිංහල දීපය තුල සිය ආක්‍රමණය දියත් කර ඇති පසුබිමක ආක්‍රමණයේ ස්වරූපය පමණක් වෙනස් වී ඇත. එදා කඩුවෙන් තුවක්කුවෙන් කළ ආක්‍රමණය අද මුස්ලිම් අන්තවාදීන් භූමිය මංකොල්ලකමින් ජන අනුපාතය වෙනස් කරවමින් උපක්‍රමශීලීව දියත් කරති. ඉස්ලාම් ආගම ව්‍යාප්තිය වෙනුවෙන් බොරු සහජීවන ප්‍රෝඩාවන් මවාපාමින් අල් ටකියා නම් වූ ඉස්ලාම් සමාජ න්‍යාය අනුව සමස්ථ සිංහල ජාතියත් පාලකයිනුත් ගොණාට අන්දවමින් සිටිති. යළිත් වරක් බිද වැටුණු ජාතිය දෙපයින් හිටුවා ආක්‍රමණිකයන්ට එරෙහිව පෙළගැස්වීමේ ඓතිහාසික යුග මෙහෙවර භික්ෂූන් වහන්සේගෙන් ජාතියම හඩනගා ඉල්ලා සිටින මෙවන් තීරණාත්මක යුගයක මේ අල් ටකියාවට මුලා වී ජාතියත් බුදු සමයත් පාවා දී නූපන් සිංහල පරපුරේත් සම්මා සම්බුද්ධ ශාසනයේත් අවසානය ලෙයින් නොලියන ලෙස සර්වාගමික ‍උගුලේ පැටළුනු අපේ ඇතැම් සංඝයා වහන්සේලාගේ දෙපා ළග වැද වැටී අපි ඉල්ලා සිටිමු. 

අවුරුදු 2500ක් තිස්සේ මේ හෙළ බිමට ජාතියට සරණය වූ අති උත්තම බුද්ධ චීවරය ජාතියේ මළගම පතන ලෙබ්බයන්ගෙ දෙපයට පෑගෙන පාවාඩයක් නොකරනු මැනවි අපේ හාමුදුරුවනේ!
Read more ...
Designed By Published.. Blogger Templates