පසුගිය මාර්තු 17 වනදා ජයික් හිල්ටන් හෝටලයේදී ජමියතුල් උලමා ඇතුළු පිරිස රටේ පිළිගත් භික්ෂූන් වහන්සේලා කිහිප නමක් ද සහභාගී කරවාගෙන සිදුකළ මෙම මාධ්‍ය සාකච්ඡාව හලාල් ඉවත් කරගන්නවා යැයි කියමින් සිංහල ජනතාව හා ජාතික සංවිධාන ක්‍රියාකාරීන් නොමග යෑවීම සදහා කළ රඟපෑමක් බවත් මේ වන විට යළිත් තහවුරු වන්නේ ඔවුන් ප්‍රකාශ කළ ආකාරය කිසිදු ලෙසකින් හලාල් සහතිකරණය හෝ ඒ හරහා සිදු කළ නීති විරෝධී මුදල් ගැරිල්ල තවමත් නවතා දමා නැති බැවිනි.
හලාල් ලාංඡනය මාර්තු 18දා සිට නතර කළ බවට ජමියතුල් උළමා සංවිධානය ප්‍රකාශ කළද මාර්තු 25 දාතමින් යුතුව හලාල් ලාංජන ලබාගත් ආයතනවලින් ඒවාට ලබාදිය යුතු පසුගිය මාසවල මුදල් ඉල්ලා ජමියතුල් උලමා සංවිධානය විසින් ලිපි යවා ඇති බව වාර්තාවේ. (එම එක් ලිපියක් පහතින් දැක්වේ) එමෙන්ම මේ අවස්ථාව වන විටත් හලාල් ලබා නොගත් සමහර ආයතන වලට හලාල් ලබා ගන්නා ලෙස බලපෑම් කරමින් සිටින බවද අපට වාර්තා වී තිබේ.
උලමා සංවිධානය මුදල් අය කර ගැනීම සදහා නිකුත් කර ඇති ලිපියක්
හලාල් සහතිකය නීති විරෝධී බව රජය විසින් ද ප්‍රකාශ කර තිබියදී පවා කිසිදු බියක් සැකක් නොමැතිව පසුගිය මාසවලද මුදල් අයකර ගැනීමට ජමියතුල් උලමා සංවිධානය ක්‍රියාකර තිබෙන්නේ කුමන බලයක් පදනම් කරගෙනදැයි ප්‍රශ්න කළ යුතුය. මේ සිදුවීම් අනුව ජමියතුල් උලමා සංවිධානයේ තක්කඩි පූජකයන් මුළු රටම යළිත් වරක් නොමග යවා ඇති බව පැහැදිළි වේ. එමෙන්ම අප්‍රෙල් 30 වනදා අවසන් වීමට පෙර හලාල් සළකුණ සහිත සියළුම පාරිභෝගික භාණ්ඩ වෙළදපොලෙන් ඉවත් කරන බව පැවසුනත්, හලාල් ලාංඡන සහිත භාණ්ඩ තවමත් වෙළදපොලේ කිසිදු බලපෑමකින් තොරව පවතින අතර, එම භාණ්ඩ ඉවත් කරණ බවට වාණිජ මණ්ඩලය ලබා දුන් පොරොන්දුවද මෙතෙක් ඉටු වී නැත.
හලාල් සහතිකරණය නීති විරෝධී බැවින්, පසුගිය කාලය පුරාවටම ඔවුන් නීති විරෝධීව ඉපැයූ සුවිසල් ධනස්ඛන්ධය කුමන කටයුතු සඳහා භාවිත කළේදැයි හෙළිදරව් කරන ලෙසද පසුගිය කාලයේ බොදු සංවිධාන ගණනාවකින්ම ඉල්ලීම් ඉදිරිපත් වී තිබුණු නමුත්, තවමත් ඒවා හෙළිදරව් කර නොමැති අතර උලමා පූජකයින් විසින් හලාල් ජාවාරම මේ අවස්ථාව වන විටද නීතියෙත්, සිංහල ජනතාවගේත් ඇස් වසා නිරූපද්‍රිතව පවත්වාගෙන යමින් සිටී.
මෙයට වග කියන්නේ කවුද? මීට මාසයකට පමණ ඉහත දී ජාතික සංවිධාන සමගින් විවිධ සමාජ තල වල උගතුන් විද්වතුන් පවා හලාල් විරෝධී මතවාදය වටා එක් රොක් වී සිටියත් මේ වන විට ඒ සියළු පාර්ශව නිහඩවී ඇත්තේ කුමන හේතුවක් නිසාද? එකම අරමුණක් වෙනුවෙක් එක මතයක් නියෝජනය කළද දේශපාලන හෝ වෙනත් අරමුණු වෙනුවෙන් හලාල් සටනේ කීර්ති නාමය දිනා ගැනීම සදහා සීතල යුද්ධයක නිරත වූ පාර්ශව අද කෝ. හලාල් විරෝධී මතවාදය වෙනුවෙන් හඩ නැගූ සංවිධාන ඇතුළු සියළු පාර්ශව වලින් අපි දැඩිව ප්‍රශ්න කරන්නේ, ඔබලා හලාල් විරෝධී මතය වෙනුවෙන් පෙනී සිටියේ වගකීමකින් නම්, තවමත් අහවර නොවූ හලාල් වංචාව ඉදිරියේ අද නිරුත්තරව මංමුලාවී සිටින බෞද්ධ ජනතාවට වගඋත්තර බැදීමේ වගකීම ඔබල සතු වන අතර එය වෙනත් පාර්ශව මත පටවා වගකීමෙන් මිදීමට කිසිවෙකුට අයිතියක් නැත. කිසිදු සංවිධානයක හෝ පාර්ශවයක යටත් සාමාජිකයන් නොවන අපි සිංහල බෞද්ධයන් වශයෙන් මේ තීරණාත්මක අවස්ථාවේදී සිංහල බෞද්ධ ජාතික සංවිධාන ක්‍රියාකාරීත්වය දැඩිව ප්‍රශ්න කරන්නේ අපි සංවිධාන මතවාද වෙනුවෙන් නොව සමස්ථ සිංහල බෞද්ධ ජාතික මතවාදය වෙනුවෙන් පෙනී සිටින්නන් වන බැවිනි.
එහෙයින් හලාල් අර්බූදය සම්බන්ධව ජාතික සංවිධාන ක්‍රියාකාරීත්වයේ නිහැඩියාව ඉදිරියේ පසුබැස සිටින සිංහල බෞද්ධ ජාතික බලවේගයටත් යම් තරමක අපේක්ෂාභංගත්වයට පත්ව සිටින තරුණ ක්‍රියාකාරීන්ටත් තවත් කල් නොයවා වහාම ඔබලාගේ ස්ථාවරය පැහැදිළි කරන ලෙස ජාතික සංවිධාන ඇතුළු හලාල් විරෝධී මතය වෙනුවෙන් පෙනීසිටි සියළු වගකිව යුතු පාර්ශවයන්ගෙන් අපි දැඩිව බලකර ඉල්ලා සිටිමු.
පසුබෑම් තාවකාලිකයි, දිනුම නොදැක අපි හැරෙන්නේ නෑමයි...!
TheSword-කඩුව |facebook Magazine|2013.05.10
No comments:
Post a Comment